Imom Hokim Muhammad ibn Munkadirdan rivoyat qiladi. Rasululloh sollallohu alayhi vasallamning mavlolari Safina roziyallohu anhu aytadilar: "Men qayiqqa mindim. Bir payt qayig‘im sinib qoldi va men kayiqning yog‘ochiga o‘rnashib oldim. Yog‘och meni qamishzorga olib borib tashladi. U yerda sher bor edi. Bir payt sher men tomon kela boshladi. Shunda: "Ey Abu Horis (sherni shunday ataydilar)! Men Rasululloh sollallohu alayhi vasallamning mavlolari bo‘laman", dedim. Sher boshini silkib, men tomon keldi va meni yelkasi bilan itarib qamishzordan chiqarib qo‘ydi, keyin past ovozda go‘yo men bilan xayrlashgandek ovoz chiqarib o‘z yo‘liga ketdi. Shundan keyin men u sherni boshqa ko‘rmadim" (Imom Buxoriy ham "Tarixul kabir"da rivoyat qilganlar).

Homidjon qori ISHMATBЕKOV