Ramazon – xayr-saxovat, mehr-muhabbat oyi. Bu oyda ko'ngli o'ksiklar, ehtiyojmand, kam ta'minlangan oilalar holidan xabar olinib, ularga yaxshiliklar ulashish qadim qadriyatlarimizdan sanaladi.
Shu kunlarda O'MI Qashqadaryo viloyat vakilligi xodimlari va imom-xatiblar tomonidan homiylar ko'magida hududlardagi boquvchisini yo'qotgan, yolg'iz keksalar, nogironligi bor shaxslar xonadoniga tashrif buyurilib, ulardan hol-ahvol so'raldi. Shu bilan birga ehtiyojmandlarga oziq-ovqat mashulotlari, isitish pech'lari, kiyim-kechaklar va moddiy yordam hadya etildi.
Jumladan, 5 nafar ikkinchi jahon urishi qatnashchilari, 23 nafar mehnat faxriylari, 149 nafar nuroniy va yolg'iz keksalar, 792 nafar o'zgalar parvarishiga muhtoj fuqarolar xonadonlariga borib, ularga 429607000 so'm miqdorida moddiy yordam yoki oziq-ovqat mahsulotlari berildi.
Bunday saxovat tadbirlari muborak oy yakuniga qadar davom etadi, inshoalloh.