3 dekabr — Xalqaro nogironlar kuni munosabati bilan Namangan shahridagi “Royal” tantanalar majmuasida nogironligi bo‘lgan hamyurtlarimiz uchun bayram tadbiri tashkil etildi.
Tadbirda Namangan viloyati bosh imom xatibining birinchi o‘rinbosari Obidxon domla Ikramov ishtirok etib, bugungi kunda mamlakatimizda barcha fuqarolar kabi nogironligi bo‘lgan yurtdoshlarimizga e’tibor va amaliy g‘amxo‘rlik ko‘rsatish, ularni har tomonlama qo‘llab-quvvatlashga alohida ahamiyat qaratilayotganini ta’kidladi.
Vaqf xayriya jamoat fondi Namangan viloyat filiali tomonidan taqdim etilgan bayram dasturxoni va sovg‘alar tadbir mehmonlariga xush kayfiyat baxsh etdi.
O‘zbekiston musulmonlari idorasi
Namangan viloyati vakilligi
Matbuot xizmati
Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.