Sayt test holatida ishlamoqda!
12 May, 2025   |   14 Zulqa`da, 1446

Toshkent shahri
Tong
03:34
Quyosh
05:08
Peshin
12:24
Asr
17:23
Shom
19:35
Xufton
21:03
Bismillah
12 May, 2025, 14 Zulqa`da, 1446

Saudiya Arabistoni Nepalda Qur’on musobaqasi o‘tkazadi

05.12.2024   6132   1 min.
Saudiya Arabistoni Nepalda Qur’on musobaqasi o‘tkazadi

Shu yil 21-22 dekabr kunlari Nepal poytaxti Katmandu shahrida Qur’oni karimni yoddan o‘qib berish bo‘yicha II musobaqa bo‘lib o‘tadi. Saudiya Arabistoni Islom ishlari, da’vat va irshod vazirligi tashkil etagan mazkur tadbir Saudiya Arabistonining Qur’on ta’limotini butun dunyo bo‘ylab yosh musulmonlar o‘rtasida targ‘ib etish borasidagi sa’y-harakatlari doirasida o‘tkaziladi, deb yozadi “ArabNews” .
 

Saudiya Arabistoni Matbuot agentligining xabar berishicha, saralash bosqichida Nepalning turli viloyatlari va mamlakatdagi Qur’oni karimni yodlatish maktablaridan 400 dan ortiq ishtirokchi qatnashadi.


Tanlovning yopilish marosimi va g‘oliblarni taqdirlash marosimi 23 dekabr kuni bo‘lib o‘tadi.

O‘zbekiston musulmonlari idorasi

Matbuot xizmati

Dunyo yangiliklari
Boshqa maqolalar

Onaning duosi sababli olim bo‘ldi

12.05.2025   631   2 min.
Onaning duosi sababli olim bo‘ldi

Bismillahir Rohmanir Rohiym

Sulaymon ibn Ayub rahimahulloh bunday hikoya qiladi: “Men o‘n yildan ko‘proq vaqt davomida ilm o‘rganish va Qur’onni yod olishga harakat qilsam-da, Fotiha surasini to‘g‘ri o‘qiy olmasdim. Bu holat menga og‘ir edi. Hatto ustozim ham mendan umidini uzgan edi.

Yolg‘iz qolganimda sajdaga bosh qo‘yib yig‘lab, duolarimda Alloh taolodan tilimni burro, xotiramni o‘tkir qilishini hamda qalbimdagi g‘ashlikni ketkazishini so‘rab iltijo qilardim.

Solih insonlardan biriga holimni bayon etdim. U mendan: Ota-onang bormi? - deb so‘radi.

Men: Ha, onam bor, - deb javob berdim.

U: Onangga yaxshilik qilasanmi? – deb so‘radi.

Men: Ha onamning xizmatlarini bekamu ko‘st bajaraman, – dedim.

Shunda solih kishi menga: Onangni oldiga borib, undan Qur’oni karimni yod olishing hamda faqih bo‘lishing uchun duo qilishini so‘ra, – dedi. 

Men uyga borib, bu gaplarni onamga aytdim. Volidam yarim tunda namoz o‘qidi, haqqimga xayrli duolar qildi. So‘ngra saharlik qilib, Alloh uchun ro‘za tutdi.

Tong otishi bilan onamning duolari qabul bo‘ldi. Xuddi bulutlar tarqagach quyosh charaqlagani singari aqlim ham yorishib, quvvai hofizam kuchayganini his etdim.

Shu tariqa men zehni o‘tkir va ilmli insonga aylandim. Onamning duosi barakotidan Qur’on va hadisni puxta o‘zlashtirib, ilmu-hikmat dengizida suza boshladim. Nihoyat, kuchli imomga aylandim”.

Kim biror maqsadini amalga oshirishda qiynalsa, avvalo, Alloh taologa tayanish barobarida ota-onasining duosini olsin!.

            

Shayx Mahmud MISRIYning
“Solih va solihalar hayotlaridan qissalar” kitobi asosida
Ilyosxon AHMЕDOV tayyorladi.