Juma kuni salavotni ko‘paytiring!
Bismillahir Rohmanir Rohiym
Muhaddis Ahmad Sheroziy rahimahulloh vafot qilgach, bir kishi uning o‘g‘lining oldiga kelib dedi:
- Tushimda otangni ko‘rdim. Sherozdagi masjid mehrobida turibdi. Egnida chiroyli kiyimlar, boshida turli qimmatbaho toshlar bilan bezatilgan toj bor edi. Men undan so‘radim:
- Alloh taolo senga qanday muomala qildi?
Otang dedi:
- Meni Alloh mag‘firat etdi, ikrom qilib jannatiga kiritdi!
- Nima sababdan?
- Nabiy sollallohu alayhi vasallamga ko‘p salavot aytganim sababidan!
Juma kuni salavotni ko‘paytiring!
Allohumma solli va sallim va barik ’ala Sayyidina Muhammad.
Makkada Qur’oni karim bo‘yicha xalqaro musobaqa boshlandi
Makkada Qur’oni karimni yod olish, o‘qish va sharhlash bo‘yicha 46-xalqaro tanlov boshlandi.
IQNA "Saudi Gazette" nashriga tayanib xabar berishicha, payshanba kuni Makkada Qur’oni karimni yod olish, o‘qish va sharhlash bo‘yicha qirol Abdulaziz nomidagi 46-xalqaro tanlov boshlandi.
Oltinchi rabiulavvalga (19 avgustga to‘g‘ri keladi) qadar davom etadigan musobaqada 133 mamlakatdan jami 334 nafar erkak va ayollar ishtirok etmoqda, bu ushbu musobaqa tarixidagi eng katta vakillikdir.
Musobaqaning maqsadi "musulmon yoshlarni Qur’oni Karimni yod olish, anglash va mushohada qilishga undash, shuningdek, halol raqobatni yaratishdan iborat."
Tanlov beshta toifani o‘z ichiga oladi va umumiy sovrinlar miqdori 10 260 000 Saudiya rialini tashkil etadi - bu tanlov ta’sis etilganidan beri eng yuqori sovrin jamg‘armasi.
Avvalroq ushbu musobaqada O‘zbekiston sharafini quyidagilar himoya qilishi xabar qilingandi:
Muhammadabror qori Yunusxonov («Mir Arab» o‘rta maxsus islom bilim yurti talabasi) — (To‘liq Qur’on hifzi);
Muhammadamin qori Olimjonov («Sayyid Muhyiddin maxdum» o‘rta maxsus islom bilim yurti talabasi) — (15 pora hifzi);
Zilolaxon Farhodova (Imom Buxoriy nomidagi Toshkent islom instituti talabasi) — (To‘liq Qur’on hifzi);
Muxtasarxon Muhammadjonova («Xadichai Kubro» ayol-qizlar o‘rta maxsus islom bilim yurti talabasi) — (15 pora hifzi).
O‘zbekiston musulmonlari idorasi Matbuot xizmati
