8 dekabr – O‘zbekiston Respublikasi Konstitutsiyasi qabul qilinganining 32 yilligi munosabati bilan Toshkent islom instituti professor-o‘qituvchi, ishchi-xodim va talabalar uchun Axborot-resurs markazi tomonidan “G‘afur G‘ulom” nashriyot-matbaa ijodiy uyi bilan hamkorlikda kitob ko‘rgazma-savdosi tashkil etildi.
Ko‘rgazmada besh yuzga yaqin badiiy, ilmiy, tarix, diniy-ma’rifiy hamda siyosiy-ijtimoiy kitoblar taqdim etildi. Xususan “O‘zbekiston Respublikasining oila kodeksi”, “Mehnat kodeksi”, “Ma’muriy javobgarlik to‘g‘risidagi kodeks”, “Jinoyat kodeksi”, “Fuqarolik huquqi”, “Davlat va huquq nazariyasi”, “Mehnat huquqi”, “Inson huquqi”, “Huquqiy ko‘nikmalar metodologiyasi”, “Rim huquqi” kabi adabiyotlar namoyish qilinib, kitobxonlar o‘zlari qiziqqan mavzudagi kitoblarni xarid qildilar.
ARM Bosh mutaxassisi Abdulaziz Kadirov
Joriy yilning 5 iyul kuni O‘zbekiston musulmonlari idorasi hamda Din ishlari bo‘yicha qo‘mita hamkorligida o‘tkazilib kelinayotgan namunaviy-amaliy tadbirning navbatdagisi Bandixon tumanida o‘tkazildi.
O‘zbekiston musulmonlari idorasi Surxondaryo viloyati vakili o‘rinbosari Abduxalil domla Abdunazarov boshchiligida o‘tkazilgan tadbirga Surxondaryo viloyati vakilligi rahbariyati, tuman bosh imom-xatiblari hamda otinoyilari, shuningdek, Bandixon tumanidagi masjid imom-xatiblari, noiblari, otinoyilar, Haj-2024 ziyoratchilari va mahalla raislari taklif qilinib ular ishtirokida ishchi guruh tuzildi.
Ishchi guruh a’zolari tomonidan tumanda yot g‘oyalar ta’siriga moyil bo‘lganlar, jazo muddatini o‘tayotganlarning oila a’zolari, jazo muddatini o‘tab qaytganlar, muqaddam sudlanganlar, nogiron va kasalmand, ehtiyojmand fuqarolar, shuningdek tabarruk yoshdagi qariyalar yashaydigan umumiy hisobda 30 ta oilaga kirib, ma’naviy-ma’rifiy targ‘ibot hamda amaliy yordam tadbirlarini olib bordilar
So‘ng ishchi guruh a’zolari o‘zlariga biriktirilgan masjidlarda peshin namozini ado qilib, yig‘ilgan qavmga “Yurtimizda bo‘layotgan xayrli ishlar”, “Mehr-oqibat va shukronalik fazilati”, “Tinchlik va osoyishtalik qadri” va “Masjidlarni obod qilish” kabi dolzarb mavzularda ma’ruza qilinib, bir yuz o‘ttiz besh nafardan ortiq namozxon qamrab olindi.
Tadbir so‘ngida amalga oshirilgan ishlar tahlil qilinib, Bandixon tumani imom-xatiblarining ma’naviy-ma’rifiy hamda masjid boshqaruvidagi faoliyatida kuzatilgan kamchiliklarni bartaraf etish yuzasidan ko‘rsatma va tavsiyalar berildi.
Surxondaryo viloyati tumanlar imom-xatiblari ish samaradorligini oshirishga qaratilgan Ishchi guruhning faoliyati davom etadi.
O‘zbekiston musulmonlari idorasi
Surxondaryo viloyati vakilligi
matbuot xizmati