Cavol: “Ixlos” surasini 100 marta o‘qiganda har safar “Bismillah”ni aytiladimi?
Javob: Bismillahir Rohmanir Rohiym. Suralarni boshlashdan avval “Basmala (Bismillahir Rohmanir Rohiym)”ni aytish sunnat amal sanaladi.
Basmala Qur’oni karimdan bir oyat bo‘lib, suralarning orasini ajratish uchun nozil bo‘lgan. Bu haqda Alloma Zaylaiy aytadilar:
الْبَسْمَلَةُ آيَةٌ مِنْ الْقُرْآنِ لَيْسَتْ مِنْ أَوَّلِ كُلِّ سُورَةٍ وَلَا مِنْ آخِرِهَا وَإِنَّمَا أُنْزِلَتْ لِلْفَصْلِ
“Basmala Qur’ondan bir oyat bo‘lib, har bir suraning boshidan ham, oxiridan ham bir oyat emas. Suralar orasini ajratish uchun nozil qilingan” (“Tabyinul-haqoiq” kitobi).
Shundan kelib chiqib, Ixlos surasini 100 marta o‘qimoqchi bo‘lgan kishi har har safar surani boshlashdan avval “Basmala" aytishi sunnatdir. Vallohu a’lam.
O‘zbekiston musulmonlari idorasi
Fatvo markazi.
Joriy yilning 17 yanvar kuni Jo‘ybori Kalon ayol-qizlar islom ta’lim muassasasida Buxoro viloyati bosh imom-xatibi o‘rinbosari Orif domla Amonov, xotin-qizlar masalalari bo‘yicha yordamchi Rizvon Baxromova hamda mas’ullar ishtirokida uchrashuv o‘tkazildi.
Uchrashuvda talabalarning ta’lim jarayoni va yashash sharoitlari ko‘zdan kechirilib, ularning ijtimoiy-ma’naviy ehtiyojlari muhokama qilindi. Shuningdek, talabalar bilim va salohiyatini yanada rivojlantirish masalalari yuzasidan takliflar bildirildi.
Homiylar ko‘magida muassasaning ayrim moddiy ehtiyojlarini qoplash bo‘yicha kelishuvga erishildi. Tadbir talabalarni qo‘llab-quvvatlashga qaratilgan muhim qadam sifatida baholandi.
O‘zbekiston musulmonlari idorasi
Buxoro viloyati vakilligi
Matbuot xizmati