Rasululloh sollallohu alayhi vasallam qaytardilar:

1. Quyosh chiqayotganda, toki nayza bo‘yi ko‘tarilmaguncha va asrdan so‘ng toki quyosh botgunga qadar namoz o‘qishdan qaytardilar.
2. Hajr (arazlashish)dan qaytardilar. (Ya’ni, musulmonni boshqa musulmon birodaridan hajr qilishidan qaytardilar).
3. Yangi tillani eski tillaga sotishdan qaytardilar.
4. Sochni ba’zi yerini oldirib, ba’zi yerini qoldirishdan qaytardilar.
5. O‘g‘rilashdan, hazfdan (ko‘rsatkich barmoqlari orasiga toshchani yashirib otishdan) qaytardilar.
6. O‘lganlarni so‘kishdan qaytardilar.
7. Itga narx qo‘yish, sotishdan qaytardilar. (Izoh: Abu Hanifa rahimahulloh manfaati bo‘lganlarini sotsa bo‘ladi deganlar. Ba’zi ulamolar faqat ov itlarini sotish joiz deganlar).
8. Meshning og‘zidan suv ichishdan qaytardilar.
9. Zakarni o‘ng qo‘l bilan ushlashdan qaytardilar.
10. O‘ng qo‘l bilan istinjo qilishdan qaytardilar.
11. Ayollarni janozaga ergashishdan qaytarganlar.