Ustozning sabog‘i
Ustoz xattaxtaga 1 raqamini yozdi va o‘quvchilarga qarab: “Bu sizning insoniyligingiz”, dedi. So‘ng 1 raqami yoniga 0 raqamini yozib: “Bu sizning boyligingiz” dedi. Yana bir 0 yozar ekan: “Bu sizlarning martabangiz”, dedi.
Ustoz shu zayl raqamni yiriklashtirib borarkan, inson hayotda erishishi mumkin bo‘lgan yutuqlarni sanardi. Keyin esa... Boshlanishdagi 1 raqamini o‘chirib tashladi. Xattaxtada hech bir qiymatga ega bo‘lmagan nollar qoldi. Shunda ustoz shogirdlariga: “Agar sizda insoniylik bo‘lmas ekan, qolgan yutuqlarning bari hech bir qiymatga ega bo‘lmaydi”, dedi.
Qissadan hissa shuki, hayotning o‘zi bir darsxona. Birini ko‘rib fikr qil, birini ko‘rib shukr qil, degan naql bejiz aytilmagan. Alloh bizga bergan umrni O‘zi rozi bo‘ladigan, boshqalarga naf keltiradigan, dunyo va oxiratda foydali bo‘lgan ishlarga sarflaylik.
Akbarshoh Rasulov
Ashuro kunining ro‘zasini tutishni unutmang!
#muharram #ashuro #kafforat #iftorlik #saharlik
25 iyun payshanba kuni Muharram oyining 10-kuni – Ashuro kunidir.
Rasululloh sollallohu alayhi vasallam: "Ashuro kunining ro‘zasi – Allohdan umid qilamanki – bir yil oldingi gunohlarga kafforat bo‘ladi", deganlar (Imom Muslim rivoyati).
Ulamolarimiz Rasululloh sollallohu alayhi vasallamning ushbu niyatlariga e’tiboran, Ashuro kuniga qo‘shib bir kun oldingi yoki bir kun keyingi kunda ham ro‘za tutmoq afzal deydilar.
Og‘iz yopish va ochish vaqti (Toshkent vaqti bilan):
9 Muharram - 24 iyun - chorshanba
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
10 Muharram - 25 iyun - payshanba
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
11 Muharram - 26 iyun - juma
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
Niyati: Xolis Alloh uchun nafl ro‘za tutishni niyat qildim.
Davron NURMUHAMMAD
- «
- »