O‘zbekiston tashqi ishlar vaziri Baxtiyor Saidov kecha Iordaniya vaqf, islom ishlari va muqaddas qadamjolar vaziri Muhammad Ahmad Msallam Al-Xalaila bilan uchrashdi, deb xabar bermoqda "Dunyo" AA muxbiri.
"Iordaniyaga tashrifimiz davomida Vaqf, Islom ishlari va muqaddas qadamjolar vaziri Muhammad Ahmad Msallam Al-Xalaila janoblari bilan uchrashdik, – deb yozdi O‘zbekiston TIV rahbari o‘zining telegram-kanalida. – Xalqlarimizni umumiy din va an’analar bog‘lab turadi. Ta’lim sohasida hamkorlik qilish, jahon tendensiyalari bo‘yicha muntazam fikr almashishni tashkil etish, yuz berayotgan chaqiriqlarni hal etish bo‘yicha ilg‘or tajriba almashish imkoniyatlarini muhokama qildik".
O‘zbekiston musulmonlari idorasi
Matbuot xizmati
Uchtepa tumanidagi 193-maktabda O‘zbekiston musulmonlari idorasi raisining birinchi o‘rinbosari Ustoz Homidjon domla Ishmatbekov ishtirokida “Jaholatga qarshi ma’rifat” shiori ostida aholi vakillari, yoshlar va xotin-qizlar ishtirokida ma’naviy-ma’rifiy tadbir o‘tkazildi.
Ushbu uchrashuvda dunyoviylik, ibodatda ko‘r-ko‘rona taqlidning salbiy jihatlari hamda ne’matlar shukri ila ziyoda bo‘lishi haqida shuningdek, farzand tarbiyasi oiladagi eng oliy qadriyat ekanligi va ota-onaning farzandlarga o’rnak va ibrat bo’lishidagi muhim jihatlariga to‘xtalib o‘tildi. Ma’ruza davomida farzandlarni yot g‘oyalar ta’siridan saqlash, ularni sog‘lom e’tiqodli qilib tarbiyalashdagi har bir ota-onaning o‘rni kabi muhim mavzularda ham fikr-mulohazalar bildirildi.
Tadbir so‘ngida aholi tomonidan ijtimoiy, aqidaviy hamda mazhabsizlikning salbiy oqibatlariga doir berilgan savollarga atroflicha javoblar berildi.
marifiymarkaz