O‘zbekiston musulmonlari idorasi
Qashqadaryo viloyati vakilligi
Matbuot xizmati
Ramazon oyining fazilatlari bayon etilgan hadisi sharifda bunday deyiladi: “Bu oyda mo‘minning rizqi ziyoda bo‘ladi. Kimda kim shu oyda ro‘za tutganga iftorlik qilib bersa, uning gunohlari kechiriladi va do‘zaxdan ozod bo‘ladi. Shuningdek, unga ham ro‘za tutganning savobidan hech kam bo‘lmagan savob beriladi”. Demak, kim ro‘zadorning qornini to‘ydirsa, Qiyomatda Alloh unga kavsar ko‘lidan bir qultum suv ichiradi, natijada u jannatga kirguncha chanqamaydi.
Iftorlik deganda, albatta, dasturxon yozib, ko‘p odam chaqirishni tushunmaslik kerak. Yordamga muhtoj odamlarga taom yoki kerakli mablag‘ni berish eng yaxshi iftorlik hisoblanadi.
Ramazon oyi munosabati bilan Qoraqalpog‘iston Respublikasi Vazirlar Kengashi va Qoraqalpog‘iston musulmonlari qoziyoti vakillari, imom-xatiblar, nuroniylar, mahalla faollari joylardagi muhtoj oilalar, keksa yoshdagi nuroniylar va nogironligi bo‘lgan fuqarolar holidan xabar olib, homiylar ko‘magi bilan ularga moddiy yordamlar berilmoqda.
Alloh taolo tutayotgan ro‘za, toat-ibodat va xayrli amallarimizni dargohida qabul aylab, barchamizni ulug‘ savoblarga erishtirsin!
Begis ABBAZOV,
Qoraqalpog‘iston musulmonlari qoziyoti xodimi