O‘tgan hafta mobaynida Respublikamiz otinoyilari tomonidan ijtimoiy muhitni yanada sog‘lomlashtirish yuzasidan bir talay tadbirlar o‘tkazildi.
Jumladan, “Jaholatga qarshi ma’rifat” mavzusida 606 ta, to‘y, ma’raka-marosimlarni tartibli o‘tkazish va isrofgarchilikka yo‘l qo‘ymaslik bo‘yicha 651 ta, bid’at-xurofotlar va dabdababozlikka qarshi 599 ta, ajrim yoqasida turgan oilalarni yarashtirish, ajrimlarning oldini olish bo‘yicha 461 ta oila bilan suhbatlashildi.
Shuningdek, migrantlar bilan Vatan muqaddasligi, yot va buzg‘unchi g‘oyalar ta’siriga tushib qolmaslik borasida 383 ta suhbat va tadbirlar o‘tkazildi. Kam ta’minlangan oilalarga turli yordamlar ko‘rsatildi.
O‘zbekiston musulmonlari idorasi
Matbuot xizmati
Uchrashuvda Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, so‘nggi yillarda muhtaram Prezidentimiz rahbarligida Qoraqalpog‘iston uchun alohida qabul qilingan qaror va farmonlar, shu orqali yaratilgan imtiyoz va imkoniyatlar haqida atroflicha to‘xtalib o‘tdi.
Shuningdek, qisqa vaqt ichida Qoraqalpog‘iston tarixi sahifalarida o‘ziga xos o‘rin egallagan muhim yangiliklar, bugungi kunda amalga oshirilayotgan keng ko‘lamli ezgu ishlar hamda oldinda turgan ustuvor vazifalar xususida fikr almashildi.
Aytib o‘tish joizki, yaqin vaqt ichida Qoraqalpog‘istonda chin ma’noda tarixiy ahamiyatga ega islohotlar amalga oshirilib, aholi va tadbirkorlik subyektlari, jamiyatning barcha qatlamlari uchun ilgari bo‘lmagan keng imtiyoz va imkoniyatlar yaratildi. Ushbu islohotlar va tashabbuslar uchrashuv davomida aniq misollar bilan yoritib berildi.
Shundan so‘ng ishtirokchilarning taklif va mulohazalari tinglanib, kelgusida amalga oshirilishi lozim bo‘lgan muhim vazifalar belgilab olindi.
Uchrashuv yakunida yurtimiz taraqqiyoti yo‘lida munosib hissa qo‘shayotgan bir guruh madaniyat xodimlari va din vakillari Qoraqalpog‘iston Respublikasi Jo‘qorg‘i Kengesining Raisi tomonidan munosib rag‘batlantirildi.
Qoraqalpog‘iston musulmonlari qoziyoti
Matbuot xizmati