Cavol: Ukol olish bilan ro‘za buziladimi?

Javob: Bismillahir Rohmanir Rohiym.
Zamonamizdagi ko‘pchilik ulamolar tomirdan ukol olish ro‘zani buzadi, deyishgan. Chunki tomirdan yuborilgan dori qon tomir orqali javfga – odamning ichki a’zolariga tarqaladi. Bu esa shariatimiz bo‘yicha ro‘zani buzuilishiga olib keladi. Abdulloh ibn Abbos roziyallohu anhu:

"إنما الإفطار مما دخل وليس مما خرج" (رواه أبو يعلى الموصلى)

“Ro‘zaning ochilishi badanga kirgan narsa sababidandir, badandan chiqqan narsa sababidan emas”, deganlar (Abu Ya’lo rivoyati).

Mushak (muskul)ga qilingan ukol esa unday emas. Ya’ni, igna orqali yuborilgan dori javf – odamning ichki organiga yetib bormaydi, balki mushak orqali ta’sir qiladi. shuning uchun mushakdan qilingan ukol ro‘zani buzmaydi.

Shunday bo‘lsada, ba’zi ulamolar ehtiyot yuzasidan mushak orqali quvvat bo‘luvchi ukollardan tiyilib turish kerakligini ta’kidlaydilar. Vallohu a’lam.
 

O‘zbekiston musulmonlari idorasi
Fatvo markazi.