#ayollarga_oid_masala #namoz

Savol: Ayollar qay tarzda ruku qilishlarini tushuntirib bering.

Javob: Bismillahir Rohmanir Rohiym. Ayollar erkaklardan farqli o‘laroq, rukuda bosh bilan bel tekis bo‘ladigan darajada to‘liq egilmaydilar. Balki, boshlari beldan ko‘ra yuqoriroqda bo‘ladi, oyoq tizzalarini biroz bukadilar, qo‘lni barmoqlar orasini birlashtirgan holda tizza ustiga qo‘yadilar. Ruku holatida o‘zlarini yig‘ishtirgan va qimtingan holatda turadilar. Alloma Ibn Obidin bu haqda bunday deydilar:

وَتَنْحَنِي فِي الرُّكُوعِ قَلِيلًا،  ...وَلَا تُفَرِّجُ فِيهِ أَصَابِعَهَا بَلْ تَضُمُّهَا وَتَضَعُ يَدَيْهَا عَلَى رُكْبَتَيْهَا، وَتَحْنِي رُكْبَتَيْهَا، وَتَنْضَمُّ فِي رُكُوعِهَا

   “Ayol kishi rukuda biroz egiladi. Qo‘l barmoqlari orasini ochmaydi, balki barmoqlar orasini birlashtirgan holda qo‘lini tizzasiga qo‘yadi. Tizzalarini bukadi, rukuni qimtingan (o‘zini yiqqan) holda bajaradi” (“Raddul muhtor” kitobi).

   Chunki mana shunday qilish ayollar uchun yanada satrliroq bo‘ladi. Vallohu a’lam.

O‘zbekiston musulmonlari idorasi
Fatvo markazi