Muhammad ibn Bashshor aytadi, Abu Dovud Toyalisiy bizlarga dedi, Abdurrahmon ibn Abuzzinod otasidan, u Abon ibn Usmondan rivoyat qilib bunday dedi: Men Usmon ibn Affonni shunday deganini eshitdim, Rasululloh sallallohu alayhi vasallam dedilar: “Qaysi bir banda har kuni tongda va har kechada “Bismillahillaziy laa yazurru ma’asmihi shayun fil arzi va laa fis samaai va huvassamiy’ul a’liym” deb uch marta aytsa, unga hech narsa zarar yetkaza olmaydi”.

Abonning bir tomoni falaj bo‘lgan edi. Boyagi kishi unga qarab turgan edi, Abon: nega qarayapsan? Men senga aytgan hadis rost. Lekin men o‘sha kuni o‘sha duoni o‘qimaganim uchun Alloh peshonamdagi dardni berdi, dedi.

Bu hadis hasan sahih g‘arib. 
Imom Termiziyning “Sunan Termiziy” kitobi, 13-bob. Tong otganda va kech kirganda o‘qiladigan duo haqida. 3388-hadis.