O‘zbekiston musulmonlari idorasi rahbariyatining aholi bilan bevosita muloqoti fuqarolarning diniy-ijtimoiy masalalarini hal etishda muhim omil bo‘lmoqda.

Xususan, 14 oktyabr kuni Diniy idora raisi o‘rinbosari Zayniddin domla Eshonqulov tomonidan o‘tkazilgan navbatdagi qabul doirasida imom-xatiblar faoliyati, masjidlar holati, haj masalasi va moddiy yordam so‘rovlari atroflicha ko‘rib chiqildi.

Murojaatchilarning har biriga shar’iy masalalar yuzasidan zarur tavsiyalar berilib, ijtimoiy masalalar bo‘yicha amaliy ko‘mak ko‘rsatildi.

Ta’kidlash joizki, bunday ochiq muloqotlar yurtimizdagi barcha jome masjidlarda ham yo‘lga qo‘yilgan. Ularda har haftaning chorshanba kuni imom-domlalar fuqarolarni qabul qilib, murojaatlarga amaliy yechim berilmoqda. 
 

O‘zbekiston musulmonlari idorasi

Matbuot xizmati