Sayt test holatida ishlamoqda!
15 Yanvar, 2026   |   26 Rajab, 1447

Toshkent shahri
Tong
06:23
Quyosh
07:47
Peshin
12:37
Asr
15:37
Shom
17:22
Xufton
18:40
Bismillah
15 Yanvar, 2026, 26 Rajab, 1447

Taqqoslamang!

07.04.2025   2842   1 min.
Taqqoslamang!

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

 

Men o‘zimni atrofimdagilar bilan solishtirmayman. Ularning mendan ko‘proq topayotgani,  martabasi, uyi, mashinasi xatto ilmi ko‘pligi ham qayg‘uga solmaydi.

Meni avalgi o‘zimdan qanchalik farq qilishim ko‘proq qiziqtiradi.

O‘tmishdan o‘n yil avvalgi o‘zimni qidiraman. Hozirgidan oddiyroq, kambag‘alroq, ilmsizroq o‘zimni.

Shu bilan birga, sodda, beg‘ubor, samimiy, ishonuvchan, qalbi sofroq, himmati balandroq, o‘zimni.

Ozgina gunohiga ham siqiladigan yuragimni.

Ishtiyoqi baland,  kelajakdan katta narsalar kutgan, olamni o‘zgartirmoqchi bo‘lgan, oddiy narsalar xursand qiladigan, oddiy voqealar yig‘latadigan yigitchani.

So‘rasa chin qalbdan so‘raydigan, o‘qisa ta’sirlanadigan o‘zimni.

Men o‘zimni o‘zim bilan solishtiraman. Topganlarim evaziga yo‘qotganlarim arzimasligi, bugun topganlarimni istalgan paytda topib, istalgan vaqtda yo‘qotishimni bilaman va yo‘qotganlarimni, yoshlik, soflik, tuyg‘ular, ishtiyoq, samiyiylikni endi topolmasligimni ham bilaman. Endi 20 yoshli o‘zim his qilgan narsalarni endi hech qachon his qilolmasligimni ham bilaman. Shu meni qayg‘uga soladi...


Orif Taskinning «Muhrlangan dardlar» kitobidan

Boshqa maqolalar
Yangiliklar

Diniy soha oldidagi vazifalar muhokama etildi

15.01.2026   5547   1 min.
Diniy soha oldidagi vazifalar muhokama etildi

2026 yil 15 yanvar kuni Qumqo‘rg‘on tumanidagi “Besh qahramon” mahalla fuqarolar yig‘inida diniy soha xodimlari ishtirokida kengaytirilgan yig‘ilish bo‘lib o‘tdi.


Yig‘ilishda Din ishlari bo‘yicha qo‘mitaning Qumqo‘rg‘on tuman bosh mutaxassisi Sh.Mamadiyev, “Shoh Mashrab” jome masjidi imomi H.Zayniyev, tuman imomlari, noiblar, otinoyilar va mahalla faollari qatnashdi.


Tadbir davomida O‘zbekiston Respublikasi Prezidentining Oliy Majlis va xalqimizga yo‘llagan Murojaatnomasida belgilangan ustuvor vazifalar muhokama qilindi.


Shuningdek, 2025 yil davomida diniy-ma’rifiy yo‘nalishda amalga oshirilgan ishlar bo‘yicha taqdimotlar qilindi va 2026 yilda bajarilishi lozim bo‘lgan vazifalar yuzasidan aniq reja va ko‘rsatmalar belgilab berildi.


Yig‘ilish yakunida ishtirokchilar tomonidan sohadagi dolzarb masalalar muhokama qilinib, imomlar va boshqa mas’ullar o‘z taklif va mulohazalarini bildirdi. 

O‘zbekiston musulmonlari idorasi
Matbuot xizmati

 

Diniy soha oldidagi vazifalar muhokama etildi Diniy soha oldidagi vazifalar muhokama etildi Diniy soha oldidagi vazifalar muhokama etildi Diniy soha oldidagi vazifalar muhokama etildi
O'zbekiston yangiliklari