Vafot etganingizdan keyin nimalar bo‘lishini tasavvur qilasizmi? Bir necha soat o‘tib, siz uchun yig‘layotgan odamlarning yig‘isi to‘xtaydi. Yaqin qarindoshlaringiz ham hayot tashvishlariga ovunadi.
Ko‘p o‘tmay, rahbaringiz o‘rningizga boshqa xodim topadi. Yaqinlaringiz, farzandlaringiz ishga, tirikchilik tashvishiga tushib ketadi.
Bir oy o‘tgandan so‘ng turmush o‘rtog‘ingiz ham sizni kamroq eslay boshlaydi. Ha, odam o‘zi o‘ylaganidan ko‘ra tezroq unutiladi.
Modomiki, odamlar sizni shunchalar tez esdan chiqarar ekan, bu o‘lchovli umringizni kim yoki nima uchun sarflamoqdasiz? Bir umr “Odamlar nima derkin?” deb yashab o‘tmayapsizmi? Yashashdan maqsadingiz nima o‘zi?
Bir lahza tin olib, shular haqda o‘ylab ko‘ring. Bu olamga keltirilish sababingiz haqida mulohaza yuriting. Yaqinlaringizni hayotlik chog‘ida qadrlangki, vaqti yetganda qadr topasiz. Alloh taolo O‘zi rozi bo‘ladigan hammamizga mazmunli hayot, xayrli oqibat nasib etsin!
Akbarshoh Rasulov
Toshkent islom instituti qoshida faoliyat yuritayotgan “Qur’oni karim va tajvid” o‘quv kursining navbatdagi 67-davra tinglovchilari bilan o‘quv oldi suhbati tashkil etildi.
Uchrashuvda kurs bo‘limi boshlig‘i Ahmadxon qori Rashidov hamda bo‘lim xodimlari Nurillo Saydullayev va Imron Xolmirzayev ishtirok etdi. Suhbat davomida kursning mazmun-mohiyati, ahamiyati va o‘quv jarayonini tashkil etish masalalari bo‘yicha atroflicha ma’lumot berildi. Shuningdek, tinglovchilarning fikr-mulohazalari tinglanib, ularga zarur tavsiyalar berildi.
Ma’lumot uchun:
- Qabul: har shanba kuni, soat 09:00–17:00;
- To‘lov: 3 oylik kurs uchun 1 648 000 so‘m;
- Ro‘yxatdan o‘tgan tinglovchilar navbat asosida o‘qishga qabul qilinadi.
Manzil:
Toshkent shahar, Olmazor tumani, Zarqaynar 18-berk ko‘cha, 47-uy.
https://goo.gl/maps/Ng8xP1yVfJwJvB3e7
Bog‘lanish uchun:
71-227-23-47
Alloh taolo barchamizga Qur’oni karimni to‘g‘ri va chiroyli o‘qishni, uning hikmatlaridan bahramand bo‘lishni nasib etsin!
Oliymahad.uz