Hajning mas’uliyatli kunlari boshlanmoqda
#xabar #haj2025
Joriy yilgi haj mavsumi o‘zining qizg‘in pallasiga kirmoqda. Bugun, 3 iyun – Zulhijja oyining 7 kuni kechki paytdan boshlab ziyoratchilarni Mino vodiysiga tashish ishlari boshlanadi. 4 iyun – Zulhijja oyining 8 kuni barcha hojilar Mino vodiysida jam bo‘lishadi.
Shu munosabat bilan haj delegatsiyasi a’zolari, ishchi guruhi shtabi, shifokorlar jamoasi va guruh rahbarlari ishtirokida Makka shahridagi mehmonxonada umumiy yig‘ilish bo‘lib o‘tdi. Unda Din ishlari bo‘yicha qo‘mita raisi, ishchi guruhi rahbari Sodiqjon Toshboyev, muftiy – haj delegatsiyasi rahbari Shayx Nuriddin Xoliqnazar hazratlari, attashe Shuhrat Amoniy hamda shifokorlar jamoasi yetakchisi Alisher Saatov qatnashdi.
Mutasaddilar mehmonxonalardan Minoga, u yerdan Arafot, bu manzildan esa Muzdalifaga va yana Minoga qaytishni tartibli tashkil etish, muborak manzillar va chodirlarda risoladagidek ibodat qilish uchun barcha sharoitlarni hozirlash, ziyoratchilar salomatligiga jiddiy e’tibor berish, ovqatlanish ratsioniga amal qilish, belgilangan tartiblarga rioya etishni ta’minlash masalalarini aytib o‘tishdi.
Ayniqsa, Mino, Arafot vodiylarida o‘rnatilgan qonun-qoidalarga amal qilish, xususan, kunning jazirama issiq vaqtlarida (soat 10-00 dan 16-00 gacha) chodirlardan tashqarida yurmaslik, hududlarda tog‘u tepaliklarga chiqmaslik, bitoqa-beyjiklarni taqib yurish, harakatlanishda maxsus transport vositalari, avtobuslardan foydalanish va podshohlik talablari, tartibni saqlovchi xodimlar ko‘rsatmalariga itoat etish kabilarga urg‘u qaratildi.
Muftiy hazratlari ishchi guruhi va guruh rahbarlari uchun yanada mas’uliyatli damlar boshlanayotganini ta’kidladilar. Shuning barobarida haj amalini dinimiz talablariga muvofiq ado etish, shar’iy masalalarda Fatvo markazi fatvolariga rioya qilish, o‘zboshimchalik bilan ish tutishdan saqlanish, Mino va Arafotdagi chodirlarda ulamolarning mav’izalarini tashkil etish, bir so‘z bilan aytganda, hojilarning har bir daqiqasini toat-ibodat, duoyu zikr bilan unumli o‘tkazish kabilarni aytib o‘tdilar.
Yig‘ilishda boshqa tashkiliy masalalar ham kelishib olindi.
O‘zbekiston musulmonlari idorasi
Matbuot xizmati
Qabul jarayoni bo‘yicha ma’lumot olish uchun telefon va internet sahifalari
#xabar #qabul #qayta_aloqa
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalarining 2025-2026 o‘quv yili qabul jarayonlari haqida quyidagi telefon raqam, internet va ijtimoiy tarmoq sahifalari orqali ma’lumot olishingiz mumkin:
OLIY TA’LIM MUASSASALARI:
1. Imom Buxoriy nomidagi Toshkent Islom instituti
+998712400115
oliymahad.uz // @oliymahad (https://t.me/oliymahad)
2. Mir Arab oliy madrasasi
+998913129404
mirarab.uz // @Mirarabuz (https://t.me/Mirarabuz)
3. Hadis ilmi maktabi
+998662402051
muhaddis.uz // @muhaddisuz (https://t.me/muhaddisuz)
4. Imom Termiziy nomidagi islom instituti
+998554510596
imomtermiziy.uz // @termiziylar_uz (https://t.me/termiziylar_uz)
O‘RTA MAXSUS ISLOM TA’LIM MUASSASALARI:
1. “Ko‘kaldosh” o‘rta maxsus islom ta’lim muassasasi
+998712444827
kukaldosh.uz // @kukaldoshuz (https://t.me/kukaldoshuz)
2. “Xadichai Kubro” ayol-qizlar o‘rta maxsus islom ta’lim muassasasi
+998712484752, +998941044752
xadicha.uz // @xadichauz (https://t.me/xadichauz)
3. “Sayyid Muhyiddin maxdum” o‘rta maxsus islom ta’lim muassasasi
+998507086870
maxdum.uz // @maxdumuz (https://t.me/maxdumuz)
4. “Hidoya” o‘rta maxsus islom ta’lim muassasasi
+998885726006
hidoya.uz // @hidoyauz (https://t.me/hidoyauz)
5. “Xoja Buxoriy” o‘rta maxsus islom ta’lim muassasasi
+998755427425
xojabuxoriy.uz // @Xojabuxoriy (https://t.me/Xojabuxoriy)
6. “Mir Arab” o‘rta maxsus islom ta’lim muassasasi
+998954204597
mirarabmadrasa.uz // @mirarabmadrasa (https://t.me/mirarabmadrasa)
7. “Jo‘ybori Kalon” ayol-qizlar o‘rta maxsus islom ta’lim muassasasi
+998652217744
juyborikalon.uz // @juyborikalon (https://t.me/juyborikalon)
8. “Faxriddin ar-Roziy” o‘rta maxsus islom ta’lim muassasasi
+998556022444
arroziy.uz // @arroziyuz (https://t.me/arroziyuz)
9. “Muhammad al-Beruniy” o‘rta maxsus islom ta’lim muassasasi
+998551015512
alberuniy.uz // @alberuniyuz (https://t.me/alberuniyuz)
10. “Imom Termiziy” o‘rta maxsus islom ta’lim muassasasi
+998554510596
imomtermiziy.uz // @termiziylar_uz (https://t.me/termiziylar_uz)
2025-2026 o‘quv yili qabul jarayonlari haqidagi so‘nggi yangiliklarni @qabulmuslimuz (https://t.me/qabulmuslimuz) telegram sahifasida kuzatib boring!
O‘zbekiston musulmonlari idorasi
Matbuot xizmati
