Imom Buxoriy nomidagi Toshkent islom institutida bitiruvchi kurs ayol-qiz talabalari bilan uchrashuv bo‘lib o‘tdi. Unda O‘zbekiston musulmonlari idorasi raisi o‘rinbosari Muhammadolim Muhammadsiddiqov va Xotin-qizlar masalalari bo‘yicha bo‘lim boshlig‘i Dilfuza Egamova ishtirok etdi.

Uchrashuvda diniy sohadagi islohotlar, bitiruvchilarni, xususan ayol-qizlarni ish bilan ta’minlash, otinoyilarning ilmiy-ma’rifiy salohiyatini oshirish hamda sof e’tiqodni mustahkamlash masalalari muhokama qilindi.

Suhbat yakunida talabalarning savollariga javoblar berildi va bitiruvchilarning kelgusidagi faoliyati uchun yaratilgan imkoniyatlar haqida ma’lumot berildi. 

O‘zbekiston musulmonlari idorasi
Matbuot xizmati