Bugun, 28 fevral' kuni O'zbekiston musulmonlari idorasida yangi tahrirdagi nizom va mehnat shartnomalarini bekor qilishning o'ziga xos xususiyatlariga bag'ishlab yig'ilish o'tkazildi. Zoom dasturi orqali tashkil etilgan masofaviy tadbirda Diniy idora tizimidagi barcha muassasa huquqshunos va kadrlar bo'yicha mutaxassislari ishtirok etdi.

Dastlab Diniy idora Huquqshunoslik bo'limi mudiri Jahongir Hotamov ishtirokchilarga O'zbekiston musulmonlari idorasining yangi tahrirdagi ustavi haqida ma'lumot berdi. So'ng Toshkent davlat yuridik universiteti katta o'qituvchisi Muhammadamin Karimjonov mehnat shartnomalarining o'ziga xos xususiyatlari haqida ma'ruza qildi.

O'quv seminar qizg'in savol-javoblarga boy bo'ldi. 

O'zbekiston musulmonlari idorasi
Matbuot xizmati