Allohning bandasidan rizo bo‘lishligining alomati bandaning Allohdan qay darajada rizo bo‘lishligiga bog‘liq ekan. Bu haqda Alloh aytadi:

“Alloh ulardan rozi bo‘ldi, ular ham Undan rozi bo‘ldilar” (Bayyina surasi, 8-oyat).

Bir talaba shayxiga:

– Ko‘nglim Allohdan rozi bo‘lgan mahalda shuni bildimki, Alloh ham mendan rozi ekan! – deb aytganida shayxi unga iltifotan debdi:

– Ey, farzandim! Qandayin go‘zal ish tutibsan!

Alloh Muso alayhissalomga vahiy qildi:

“Ey Imron farzandi! Qazoimga rozi bo‘lsang, haqiqatda, Mening sendan rozi bo‘lganim o‘shadir”.

“Axloqus solihiyn” (Yaxshilar axloqi) kitobidan
Yo‘ldosh Eshbek, Davron Nurmuhammad
tarjimasi.