Joriy yil 10 oktyabr kuni O‘zbekiston musulmonlari idorasi raisi o‘rinbosari Muhammadolim domla Muhammadsiddiqov boshchiligida idora xodimlari hamda toshkent shahri imom-xatiblari O‘zbekiston prokuraturasi tarixi muzeyida bo‘ldilar. 
Diniy soha xodimlariga prokuratura tizimining ham shonli tarixi, ham sobiq mustabid tuzumning qatag‘on siyosati davridagi qonli o‘tmishi bilan yaqindan tanishdilar.
Muzey 7 bo‘limdan iborat. Uning fondida 5 mingga yaqin hujjat, 7 mingdan ortiq foto va videomateriallar, 2 mingga yaqin eksponat jamlangan. 36 ta asosiy ekspozitsiya stendlari joylashgan. Ularda Markaziy Osiyo hududida ilk davlatlar shakllanishidan boshlab to hozirgi kungacha bo‘lgan davrni qamrab olgan prokuratura tarixi aks etgan. 

Muzeyning “Yangi O‘zbekiston prokuraturasi faoliyati” nomli bo‘limidan so‘nggi yillarda davlatimiz rahbari tashabbuslari bilan prokuratura sohasida amalga oshirilayotgan islohotlar, shu jumladan qabul qilinayotgan normativ-huquqiy hujjatlar haqida ma’lumot beruvchi eksponatlar joy olgan.

O‘zbekiston musulmonlari idorasi 
Matbuot xizmati