Sayt test holatida ishlamoqda!
09 Noyabr, 2026   |   29 Jumadul avval, 1448

Toshkent shahri
Tong
05:43
Quyosh
07:04
Peshin
12:12
Asr
15:28
Shom
17:12
Xufton
18:28
Bismillah
09 Noyabr, 2026, 29 Jumadul avval, 1448
Maqolalar

Qur’on harflarining sanog‘icha calavot

03.09.2025   16141   2 min.
Qur’on harflarining sanog‘icha calavot

Bismillahir Rohmanir Rohiym

اللَّهُمَّ صَلِّ وَ سَلِّمْ وَبَارِكْ عَلَىٰ سَيِّدِنَا وَ مَوْلَانَا مُحَمَّدٍ وَ عَلَى الِهِ وَصَحْبِهِ عَدَدَ حُرُوفِ الْقُرْآنِ حَرْفًا حَرْفًا وَ عَدَدَ كُلِّ حَرْفٍ أَلْفَ أَلْفٍ وَعَدَدَ صُفُوفِ الْمَلَائِكَةِ صَفًّا صَفًّا وَعَدَدَ كُلِّ صَفٍّ أَلْفَ أَلْفٍ وَعَدَدَ الرِّمَالِ ذَرَّةً ذَرَّةً وَ عَدَدَ كُلِّ ذَرَّةٍ أَلْفَ أَلْفِ مَرَّةٍ وَعَدَدَ مَا أَحَاطَ بِهِ عِلْمُكَ وَ جَرَى بِهِ قَلَمُكَ وَ نَفَذَ فِيهِ حُكْمُكَ فيِ بَرِّكَ وَ بَحْرِكَ وَ سَائِرِ خَلْقِكَ وَعَدَدَ ما أَحَاطَ بِهِ عِلْمُكَ الْقَدِيمُ مِنَ الْوَاجِبِ وَالْجَائِرِ وَ الْمُسْتَحِيلِ اللَّهُمَّ صَلِّ وَ سَلِّمْ وَبَارِكْ عَلَى سَيِّدِنَا وَ مَوْلانَا مُحَمَّدٍ وَ عَلَى الِهِ وَصَحْبِهِ مِثْلَ ذلكَ.

 

Allohumma solli va sallim va barik ’ala sayyidina va mavlana Muhammadin va ’ala alihi va sohbihi ’adada huruufil Qur’ani harfan harfaa.
 

Va a’dada kulli harfin alfa alfin va ’adada sufuufil malaikatihi soffan soffaa va ’adada kulli soffin alfa alfin va ’adadar rimali zarrotan zarrotan va ’adada kulli zarrotin alfa alfi marrotin va ’adada maa ahato bihi ’ilmuka va jaro bihi qolamuka va nafaza fiyhi hukmuka fiy barrika va bahrika va sairi xolqika. Va ’adada maa ahato bihi ilmukal qodiymu minal vajibi val jaa izi valmustahiyl.

Allohumma, solli va sallim va barik a’la sayyidina va mavlana Muhammadin va ’ala alihi va sohbihi misla zalika.

Ma’nosi: Allohim! Sayyidimiz va mehribon ulug‘imiz hazrati Muhammadga, ul zotning oilalari (ahli)ga va sahobalariga shunchalar rahmat, salom va barakot yodirki, Qur’on harflarining har bir harfi sanog‘icha va har bir harfi uchun yana million marta, safsaf maloikalarning saflari sanog‘icha va har bir saf uchun yana million marta, zarra-zarra qumlarning sanovicha va har bir zarra uchun yana million marta, Sening ilming qamragan narsalarning va Sening Qalaming yozgan narsalarning sanog‘icha, Sening quruqliklaring va dengizlaringda O‘z hukming joriy bo‘lgan boshqa barcha yaratmish maxluqotlaring sanog‘icha, vojib, joiz va muhol-nomumkin bo‘lgan narsalardan (va ilmlardan) Sening cheksiz qadimiy ilming qamragan narsalarning sanog‘icha sayyidimiz va mehribon ulug‘imiz hazrati Muhammadga, ul zotning oilalari (ahli)ga va sahobalariga rahmat, salom va barakot yog‘dir!

Sayyidimiz va mehribon ulug‘imiz hazrati Muhammadga, ul zotning oilalari (ahli) va sahobalariga shularning yana bir mislicha rahmat, salom va barakot yog‘dir! («Al-ad’iyatul-voridatu fil-ayatil karimati val-ahodisishsharifah», 155-s).


«Eng go‘zal salavotlar» risolasidan

Maqolalar
Boshqa maqolalar
Yangiliklar

Haj vaziri bilan yangi mavsumni yuqori darajada o‘tkazish muhokama qilindi

09.11.2026   15672   2 min.
Haj vaziri bilan yangi mavsumni yuqori darajada o‘tkazish muhokama qilindi

8 noyabr kuni O‘zbekiston delegatsiyasi hamda Saudiya Arabistoni Haj va umra vazirligi o‘rtasida “Haj – 2027” mavsumini namunali tashkil etish yuzasidan muloqot bo‘lib o‘tdi. Unda Haj va umra vaziri Tavfiq bin Favzon ar-Rabia bilan O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Kamilov, Din ishlari bo‘yicha qo‘mita raisi Sodiqjon Toshboyev, muftiy Shayx Nuriddin Xoliqnazar hazratlari, Vazirlar Mahkamasi mas’ul xodimi Orifxon Zakirov, elchi Nodirjon Turg‘unov, attashe Shuhrat Amoniy kelgusi haj mavsumini yuqori darajada o‘tkazish masalalarini atroflicha muhokama qilishdi.

Uchrashuv avvalida muhtaram Prezidentimiz hamda Saudiya Arabistoni Podshohi Salmon bin Abdulaziz Ol Saud, Valiahd Muhammad bin Salmon Ol Saud o‘rtasidagi ko‘p qirrali munosabatlar salmoqli natija berayotgani, savdo-iqtisodiy, investitsiyaviy, energetika, turizm, qishloq xo‘jaligi va ziyoratchilarga eng yuqori darajadagi xizmatlar ko‘rsatilayotgani alohida e’tirof etildi.

Haj va umra vaziri o‘z navbatida O‘zbekiston Prezidenti rahnamoligida amalga oshirilayotgan islohotlarni, xususan, diniy-ma’rifiy sohadagi ijobiy o‘zgarishlar, butun dunyo e’tirofiga sazovor bo‘layotgan Islom sivilizatsiyasi markazi va Imom Buxoriy majmuasida olib borilgan bunyodkorlik ishlari, shuningdek, ziyoratchilarga yaratilayotgan qulay sharoitlarni yuksak baholadi. Doktor Tavfiq ar-Robia yurtimizga amalga oshirgan avvalgi ikki tashrifi davomida guvohi bo‘lgan jadal taraqqiyotni e’tirof etib, O‘zbekistonga yana tashrif buyurish niyatida ekanini ma’lum qildi.

Muloqot davomida “Haj-2027” mavsumini yuqori saviyada tashkil etish bilan bog‘liq tashkiliy masalalar yuqori sifat nuqtayi nazaridan muhokama qilindi. Jumladan, hojilarga eng munosib sharoitlarni hozirlash, haj arkonlari ado etiladigan makonlarda sharoitlarni yaxshilash, transport, tibbiy va oshxona xizmatlari sifatini takomillashtirish kabilarga urg‘u qaratildi.

Muloqot yakunida tomonlar qator masalalar bo‘yicha kelishuvga erishish barobarida o‘zaro esdalik sovg‘alari almashdilar.

O‘zbekiston musulmonlari idorasi Matbuot xizmati

O'zbekiston yangiliklari