Sayt test holatida ishlamoqda!
08 Yanvar, 2025   |   8 Rajab, 1446

Toshkent shahri
Tong
06:24
Quyosh
07:49
Peshin
12:35
Asr
15:30
Shom
17:14
Xufton
18:33
Bismillah
08 Yanvar, 2025, 8 Rajab, 1446

Dunyodagi eng kichik Qur'on namoyish etildi

21.02.2024   845   2 min.
Dunyodagi eng kichik Qur'on namoyish etildi

 Shu kunlarda Eronda o'tkazilayotgan Halqaro Qur'oni karim musobaqasining beshinchi kunida dunyodagi eng kichik bosma Qur'on taqdimoti bo'lib o'tdi.

“IQNA” sayti ma'lumotiga ko'ra, 40-xalqaro Qur'on musobaqasining so'nggi kunida Eronda bundan 150-200 yil avval bosilgan eng kichik bosma Qur'on ham taqdim etildi.

Ushbu Qur'on sohibi Oqil Rofiiy Eronda o'tkazilayotgan Halqaro Qur'on musobaqasining to'rtinchi kuni arafasida “IQNA” saytiga bergan interv'yusida bunday dedi: “Men bu Qur'onni otamdan taxminan 20 yil avval sovg'a sifatida olganman. Bu kitobni otam ham amakisidan olgan”.

Qarindoshlarimizning hammasi ulamo bo'lgani va qadimiy tilda  “mulla” atamasini ishlatib, o'tmishda mullalar Qur'onni biladiganlar bo'lgan, – dedi Rofi'iy.

 Rofi'iy yana bunday izoh berdi: “Bu Qur'on menga bir necha avlodlar oldin kelgan va men unga qariyb yigirma yildan beri g'amxo'rlik qilaman.  Mutaxassislarning fikricha, bu Qur'on 150 yoshda. Eshitilganlarga ko'ra, bu kitobning 10 ta nusxasi Misrda chop etilgan va hozirda Qur'onning yagona nusxasi ommaga e'lon qilinadigan nusxadir”.

  Bu Qur'onning saqlanish holati haqida bunday dedi: “Bu Qur'on qadim zamonlardan beri kumush metal qutida saqlangan, uning o'z holatini saqlagani va sahifalarining butunligicha qolishi sabablaridan biri, lekin bu Qur'onning muqovasi mavjud emas. Ushbu Qur'onni muzeyga hadya qilmoqchimisiz, degan savolga Rofi'iy: “Men bu Qur'onni asrash vazifasini davom ettirishga qaror qildim”, deb javob berdi.

O'zbekiston musulmonlari idorasi xodimi

 Ilyosxon AHMYeDOV tayyorladi

Dunyo yangiliklari
Boshqa maqolalar

Qalbning zangini ketkazuvchi amal

8.01.2025   3458   3 min.
Qalbning zangini ketkazuvchi amal

Inson qalbi goh u tarafga, goh bu tarafga o‘zgarib turadi: savobli ish qilganida, qalbi yayraydi, dili cheksiz quvonchga to‘ladi. Gunoh-ma’siyat kirlari esa dil oynasini xiralashtiradi. Oqibatda qalb qorayadi, ko‘ngli xijil bo‘ladi.
Abdulloh ibn Umar roziyallohu anhudan rivoyat qilinadi. Rasululloh sollallohu alayhi vasallam: "Temirga suv tegsa zanglaydi. Xuddi shunga o‘xshab qalblarni ham zang bosadi", dedilar. Shunda: "Yo Rasululloh, uning jilosi nima?" deb so‘raldi. U zot: "O‘limni ko‘p eslash, Qur’on o‘qish", dedilar.

Qalb xuddi temir kabi zanglaydi. Temirga suv tegsa, sirtini zang bosadi. Gunohlar yig‘ilib yig‘ilib qalbni zanglatadi, dilni qoraytiradi, ko‘ngilni g‘ash qiladi. Qalb qorayishi oqibatida inson shuuri o‘tmaslashadi, mehr-oqibat tuyg‘usi kishi bilmas tarzda ko‘tarilib boradi.

Mazkur hadisda aytilishicha, o‘limni eslagan, Qur’on o‘qigan odamning qalbi zanglardan tozalanadi. Qanday qilib, deysizmi? Gap shundaki, o‘limni eslagan kishining o‘tkinchi dunyoga xohishi so‘nadi. O‘limni eslagan, oxiratni o‘ylagan inson gunohlardan tiyiladi, nafasi kirib-chiqib turganida Parvardigoriga tezroq tavba qilishga shoshiladi, o‘zini isloh qiladi. Inson o‘limni eslaganda lazzatlar parchalanadi, hakalab otib turgan nafs xohishlari sal bo‘lsayam jilovlanadi. Bir kunmas-bir kun dunyoni tark etishini bilgan kishi oqibatli bo‘ladi, bir ish qilishdan oldin oxirini o‘ylaydi, mulohaza yuritadi.

Yuqoridagi hadisda aytilishicha, Qur’on tilovati qalbdagi zanglarni ketkazadi. Haqiqatan, Qur’on o‘qish bilan qalb yayraydi, ko‘ngil taskin topadi. Mo‘min banda qiroatdan bir dunyo ma’naviy ozuqa oladi. Shu yo‘sin qalbni qoplagan zang qurumlari asta-sekin tozalanib boradi. Bejizga "Qur’on qalbga malham, dilni tozalaydigan ilohiy davo", deyilmagan.

Ma’lumki, temirga doim ishlov berib turilmasa, ko‘p o‘tmay zanglaydi. Xuddi shunga o‘xshab, Qur’on o‘qilmasa, dilni zang bosadi. Hamisha Qur’on o‘qiydigan inson qalbiga gard yuqmaydi. Tilovat bilan jilolangan qalbi oynadek yarqirab turadi.

Hozirgi "zamonaviy" odamlarning ko‘pi dunyoga hirs qo‘yish dardi bilan og‘rigan. Kishilar orasida o‘zaro ishonch, sadoqat, vafo, mehr-oqibat kamayib ketayotgandek. Bizningcha, buning sababi bitta: o‘limni unutish, Qur’on o‘qimaslik.

Ayrim odamlarga o‘limni eslatsangiz, oxiratdan gap ochsangiz: "Qo‘ying, yaxshi mavzuda gaplashaylik!" deya so‘zingizni bo‘ladi. O‘limni eslash yomonmi?! Har kimning boshida bor-ku bu savdo! O‘limdan qochib-qutulib bo‘lmaydi. Shuning uchun o‘limga tayyorgarlik ko‘rish kerak. Qanday qilib, deysizmi? O‘limga hozirlik solih amallar bilan bo‘ladi, qorong‘i go‘rni yorituvchi Qur’on tilovati bilan bo‘ladi. Quruq kafanlik olib yoki qabristondan o‘zi uchun alohida joy ajratib qo‘ygan odamni oxirat safariga rostmana shay deb bo‘lmaydi.

Tolibjon domla Xursanmurodov,
Hadis ilmi maktabi o‘qituvchisi.

Ali ibn Husomiddin Muttaqiy Hindiy. "Kanzul ummol fi sunanil aqvoli val af’ol". – Bayrut.: Muassasatur risolat, 1989. - B. 210.