Sayt test holatida ishlamoqda!
12 Avgust, 2026   |   29 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:59
Quyosh
05:29
Peshin
12:28
Asr
17:23
Shom
19:31
Xufton
20:58
Bismillah
12 Avgust, 2026, 29 Safar, 1448
Avvalgi sayt
#search
 YouTube

Bitiruvchi yoshlar bilan uchrashuv

29.09.2025   10965   1 min.
Bitiruvchi yoshlar bilan uchrashuv

27 sentyabr kuni O‘zbekiston musulmonlari idorasining Namangan viloyat vakilligida Namangan viloyati bosh imom-xatibi Musoxon domla Abbosiddinov rahbarligida O‘zbekiston musulmonlari idorasi tizimidagi oliy va o‘rta maxsus islom ta’lim muassasalarining 2024-2025 o‘quv yili bitiruvchilari bilan uchrashuv o‘tkazildi. Unda Namangan shahar va tumanlar bosh imom-xatiblari, bitiruvchilar ishga yuborilayotgan masjidlar imom-xatib va mutavallilari ishtirok etdilar. 

Uchrashuv avvalida bitiruvchilarni ishga tayinlash to‘g‘risidagi O‘zbekiston musulmonlari idorasi buyrug‘i o‘qib eshittirildi. Shundan so‘ng yoshlarga taraqqiyotimizning yangi bosqichida yurtimizda islom dini ravnaqi yo‘lida keng imkoniyatlar ochilgani, diniy soha xodimlarining ijtimoiy hayotda faol ishtirok etishlari uchun keng imkoniyatlar yaratilgani aytib o‘tildi. 

Shuningdek, ularga bugungi kun diniy soha xodimi zamonga ziyraklik bilan qarashi, o‘zining ustida muntazam ishlashi, kasbiy va ma’naviy malakasini oshirishi, jamoatchilik bilan samarali ishlash ko‘nikmalarini rivojlantirish yuzasidan tavsiyalar berilib, kelgusi faoliyatlariga Yaratgandan zafarlar tilandi. 

O‘zbekiston musulmonlari idorasi rahbariyatining tavsiyasiga binoan yangi ishga tayinlangan imomlar viloyat bosh imom-xatibi, viloyat bosh imom-xatibining o‘rinbosarlari va tuman-shahar bosh imom-xatiblari tomonidan masjid jamoasiga tanishtirilishi rejalashtitrilgan. Bizni kuzatishda davom eting, imom domlalarni tanishtiruv tadbirlarini yoritib boramiz.

Namangan viloyati vakilligi 
Matbuot xizmati

Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv Bitiruvchi yoshlar bilan uchrashuv
Boshqa maqolalar
Yangiliklar

Andijonda imomlar o‘rtasida “Zakovat” turniri bo‘lib o‘tdi

07.08.2026   18607   1 min.
Andijonda imomlar o‘rtasida “Zakovat” turniri bo‘lib o‘tdi

O‘zbekiston mustaqilligining 35 yilligi munosabati bilan Andijon viloyatida faoliyat yuritayotgan imom-xatib va imom-noiblar o‘rtasida “Qur’on tinchlikka buyuradi” shiori ostida “Zakovat” intellektual musobaqasi o‘tkazildi.
 

Tadbirni Andijon viloyati bosh imom-xatibi Mirzamaqsud domla Alimov ochib berib, mazkur bellashuv diniy soha xodimlarining ilmiy-ma’rifiy va huquqiy bilimlarini mustahkamlash, ular o‘rtasidagi jamoaviy hamjihatlikni oshirishda muhim ahamiyat kasb etishini ta’kidladi.


Viloyatning barcha shahar va tumanlaridan jamlangan jamoalar qizg‘in va murosasiz bahslar olib bordi. Ishtirokchilar Qur’oni karim, hadisi shariflar, islom tarixi, shuningdek, mamlakatimiz qonunchiligi va milliy qadriyatlarga oid savollar orqali o‘zlarining intellektual salohiyati hamda tezkor fikrlash qobiliyatlarini namoyon etdilar.


Hakamlar hay’atining xulosalariga ko‘ra, eng bilimdon jamoalar g‘oliblikni qo‘lga kiritdi: 
 

  • 1-o‘rin — Jalaquduq tumani;

  • 2-o‘rin — Qo‘rg‘ontepa tumani;

  • 3-o‘rin — Xo‘jaobod tumani.


G‘oliblar O‘zbekiston musulmonlari idorasi Andijon viloyati vakilligining maxsus diplom va esdalik sovg‘alari bilan taqdirlandi.


Ilm-ma’rifat yo‘lida bellashgan barcha ishtirokchilarni muborakbod etib, ularning kelgusi xayrli faoliyatlarida Alloh taolodan baraka va zafarlar tilaymiz!

O‘zbekiston musulmonlari idorasi
Andijon viloyati vakilligi
Matbuot xizmati

Andijonda imomlar o‘rtasida “Zakovat” turniri bo‘lib o‘tdi Andijonda imomlar o‘rtasida “Zakovat” turniri bo‘lib o‘tdi Andijonda imomlar o‘rtasida “Zakovat” turniri bo‘lib o‘tdi Andijonda imomlar o‘rtasida “Zakovat” turniri bo‘lib o‘tdi
O'zbekiston yangiliklari
#logo