Ta'lim muassasasida "Sentyabr oyi - Islom tarixi, Mavlidun Nabiy, Yangi Oʻzbekiston tarixi fanlari oyligi" deb e'lon qilingani hamda Rasululloh sollallohu alayhi vasallam tavallud topgan oy munosabati bilan joriy yil 24-sentyabr kuni tadbir o‘tkazildi. 

Tadbirda Oʻzbekiston Musulmonlari idorasi Namangan viloyati vakili Musoxon domla Abbosiddinov hamda ta'lim muassasasi o‘qituvchi va talabalari ishtirok etdilar.

Kirish so‘zini O‘zbekiston musulmonlari idorasi Namangan viloyat vakili Musoxon domla Abbosiddinov shunday osoyishta kunlarga yetib kelganimizga shukronalik bildirib, muborak Rabi’ul avval oyi ya’ni Rasululloh sollallohu alayhi vasallam tavallud  topgan oy haqida so‘z yuritib, bu oyda barchalarimiz olamlar sarvari, butun insoniyatga oxirzamon payg‘ambari qilib yuborilgan Muhammad alayhissalomning siyratlarini, hayotlarini yanada kengroq o‘rganish, har bir amalimizda u zotga ergashish lozimligi haqida aytib o‘tdi. 
  
Tadbirni davom ettirish uchun so’zni ta’lim muassasasi o‘qituvchisi Isaqov Olimxon domla Ustoz va talabalarni mavlud bayram bilan tabriklab Payg‘ambar sollallohu alayhi vasallamning siyratlari, xulq-atvorlari haqida so‘z yuritdi.

Tadbir davomida ta’lim muassasasi talabalari tomonidan imom Ja’far Barzanjiy rahmatullohi alayhining mavlidlari, hamda xatmul qur’on va salovotlar o‘qildi. Tadbir Rasululloh sollallohu alayhi vasallamga muhabbat va u zotning sunnatlariga ergashish yo‘lida yana bir qadam bo‘ldi.

Tadbir so‘ngida yurtimiz tinchligi, uning osoyishtaligi bardavom bo‘lishini so‘rab duoi xayrlar qilindi.

Ta'lim muassasasi Matbuot xizmati