Bismillahir Rohmanir Rohiym
حدثنا الحسن بن علي بن عفان العامري نا ابن نمير عن الأعمش عن إبراهيم عن علقمة عن عبد الله قال: لما نزلت هذه الآية :﴿الذين آمنوا ولم يلبسوا إيمانهم بظلم﴾ قالوا: يا رسول الله وأينا لا يظلم نفسه قال: ليس ذلك هو الشرك ألم تسمعوا إلى ما قال لقمان لابنه :﴿يا بني لا تشرك بالله إن الشرك لظلم عظيم﴾.
Abdulloh roziyallohu anhudan rivoyat qilinadi: “Iymon keltirgan va iymonlariga zulmni aralashtirmaganlar” oyati nozil bo‘lganda, odamlar: “Yo, Allohning Rasuli, qay birimiz o‘ziga zulm qilmas ekan?” dedilar.
U zot alayhissalom: “Bunday emas, bu (aytilgan zulm) shirkdir. Luqmonning o‘g‘liga: “Ey, o‘g‘ilcham! Allohga shirk keltirmagin! Chunki shirk ulkan zulmdir”, deb aytganini eshitmaganmisizlar ?” dedilar.
Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD tarjimasi
O‘zbekiston musulmonlari idorasi raisi muftiy Shayx Nuriddin Xoliqnazar hazratlarining tashabbusi bilan imom-xatiblar va imom noiblari
uchun tajvid darslari yo‘lga qo‘yilgan.
Shu munosabat bilan shu yil 6 martdan boshlab Buxoro, Xorazm va Toshkent viloyatida tajvid darslarining navbatdagi amaliy mashg‘ulotlari boshlandi.
Xususan, shu yil 10 aprel kuni Buxoro viloyatidagi Mir Arab oliy madrasasida hududdagi imom-xatiblar va imom noiblari uchun tajvid va qiroat ilmiga bag‘ishlangan ma’ruza tashkil etildi.
Mazkur tadbirda "Qur’on va tajvidni o‘rgatish" bo‘limi boshlig‘i Shayx Ali Fayzulloh Maxdum ishtirok etib, "Buxoro va Samarqand ulamolarining tajvid va qiroat ilmiga qo‘shgan hissasi" mavzusida mazmunli ma’ruza qildi.
O‘zbekiston musulmonlari idorasi
Matbuot xizmati