Salafi solihlardan qoida va meros bo‘lgan so‘z bor:

من رام العلم جملة ذهب عنه جملة

“Kimki ilmning hammasini birdaniga o‘rganishni istasa, ilmning hammasidan quruq qoladi”.

Oz vaqtda ilmning hammasini o‘rganib olaman, deya xomtama bo‘lgan talaba, ilmning hammasidan bebahra qoladi. Hech narsaga erishmaydi.

Qur’oni Karim ham Rasululloh sollallohu alayhi vasallam 23 (yigirma uch) yilda nozil bo‘lgan.

Imom Buxoriy rahimahulloh Sahihul Buxoriyni 16 (o‘n olti) yilda, har doim tahorat va ikki rakat nafl namoz o‘qib, so‘ngra yozganlar.

Imom Burhoniddin Marg‘inoniy rahimahulloh Hidoya asarlarini 13 (o‘n uch) yil mobaynida ro‘zador holda yozganlar.

Ilm kitoblari harfma-harf va kalima-kalima izohlab o‘rganiladi. Igna bilan quduq qazishga sabr-toqat, oliyhimmat, intizom va uzoq vaqt zarur. Shoshqaloqlik va puxtalik bir-biriga zid – hech qachon jamlanmaydi.

Tolibi ilm do‘stim! Ilmning eng boshi sabrdir: kitobga sabr qilasiz, ustozga sabr qilasiz, yashayotgan shahringizga sabr qilasiz, hamdarslaringizga sabr qilasiz va hokazo.

Ilm olish lazzatiga erishgach, sabr maqomidan rozilik va muhabbat maqomiga o‘tib olgach hayotingiz mazmuni kitob va ustozlar suhbatiga aylanadi.

Alloh taolo foydali ilm bersin!