Umrini Islom dini ravnaqiga xizmat qilishga, xalqimiz ma'rifatini yuksaltirishga, odamlarga ziyo ulashishga bag'ishlayotgan ustozlarga hamma havas qiladi.

O'zbekiston musulmonlari idorasi tasarrufidagi "Shamsuddinxon Boboxonov" nashriyot-matbaa ijodiy uyi rahbariyati bugun qariyb chorak asrdan beri shu erda mehnat qilib kelayotgan Bosh muharrir Abdujalil Ho'jamovga va 35 yildan beri fidoyilik ko'rsatib kelayotgan katta muharrir Muhammadsharif Jumanovga "Umra sertifikat"larini topshirdi.

Imom Termiziy rivoyat qilgan hadisi sharifda Nabiy sollallohu alayhi va sallam: "Sizlarning yaxshilaringiz umri uzun va xayrli amallari ko'p bo'lganingizdir", deb marhamat qilganlar.

Haqiqatan, yana ko'p yillar ustozlar bilan birgalikda xizmat qilib, ulardan ko'p ilm o'rganishni Alloh taolo barchamizga nasib etsin.

✈️ @HidoyatUz