Bugun 3 dekabr kuni Xoja Buxoriy o‘rta maxsus islom ta’lim muassasasi ustoz va talabali uchun o‘zgacha xursandchilik bilan boshlandi. Ta’lim muassasasiga O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbuslari bilan 15 dona smart doskalari beg‘araz yordam sifatida taqdim qilindi.

Hadyalarni O‘zbekiston musulmonlari idorasining Qashqadaryo viloyatidagi vakili, viloyat bosh imom xatibi ustoz Rahmatillo Usmonov hamda O‘zbekiston musulmonlari idorasining mas’ul xodimi Asliddin Rahmatullayev topshirdi.

Ta’lim sifatini yanada oshirish, zamonaviy uslub va metodlardan samarali foydalangan holda dars samaradorligini yanada kuchaytirish maqsadida hadya qilingan bu o‘quv jihozlaridan dinimiz ravnaqi, ilm-ma’rifati yo‘lida oqilona foydalanish borasida tavsiyalar berib o‘tildi.

Tadbir so‘ngida yurtimiz tinchligi, osoyishtaligi va mazkur o‘quv jihozlarini yetkazib berishda amaliy yordam berganlar, xususan, muftiy hazratlarining haqlariga xayrli duolar qilindi.

O‘zbekiston musulmonlari idorasi

Matbuot xizmati