2026 yil 21 iyul kuni Qumqo‘rg‘on tumani “Besh qahramon” mahallasida imom-xatiblar, otinoyilar va mahalla vakillari ishtirokida yilning birinchi yarim yilida amalga oshirilgan ishlar tahlil qilindi.

Tadbirda tuman bosh imom-xatibi H.Zayniyev va Din ishlari bo‘yicha qo‘mitaning tuman bosh mutaxassisi Sh.Mamadiyev hisobot berdi. Qayd etilishicha, 6 oy davomida 11 mingga yaqin fuqarolarni qamrab olgan 1300 dan ortiq ma’naviy-ma’rifiy tadbir va davra suhbatlari o‘tkazilgan.

Shuningdek, soha xodimlarining sport va intellektual sohadagi faolligi ham e’tirof etildi. Tumanda ilk bor imomlarning sport jamoalari va “Zakovat” klubi tashkil etilgani alohida ta’kidlandi.

Tadbir yakunida fidoyi va tashabbuskor soha xodimlari hamda mahalla faollariga tuman hokimligining Tashakkurnomalari topshirildi. 

O‘zbekiston musulmonlari idorasi

Surxondaryo viloyati vakilligi

Matbuot xizmati