O‘zbekiston musulmonlari idorasining tizimdagi masjidlar imom-xatib va imom noiblarini ilmiy salohiyatini oshirish, Qur’oni karim qiroati bo‘yicha bilimlarini yanada rivojlantirish maqsadida Masjidlar bilan ishlash bo‘limi hamda Qur’on va tajvid bo‘limlari tashabbusi bilan hududlarda 72 soatlik o‘quv darslari tashkil etib kelinmoqda.
Ana shunday darslarning navbatdagisi joriy yilning 12 yanvar kuni Andijon, Samarqand va Navoiy viloyatlarida 90 nafar imom-xatib va imom noiblari ishtirokida boshlandi. Qur’on va tajvid bo‘limi ustozlari tomonidan olib borilayotgan qiroat darslari imom-domlalar uchun juda foydali bo‘lmoqda.
O‘zbekiston musulmonlari idorasi
Matbuot xizmati
Prezident Shavkat Mirziyoyev Samarqandga tashrifining ikkinchi kuni Imom Moturidiy yodgorlik majmuasida amalga oshirilayotgan bunyodkorlik ishlari bilan tanishdi.
Davlatimiz rahbarining qaroriga muvofiq, o‘tgan yili yurtimizda aqida ilmining asoschisi Abu Mansur Moturidiy tavalludining 1155 yilligi keng nishonlandi. Shu munosabat bilan Samarqand shahridagi Chokardiza qabristoni hududida Imom Moturidiy majmuasini qayta ta’mirlash va obodonlashtirishga kirishilgandi.
Ayni paytda majmua va uning atrofida qurilish-obodonlashtirish ishlari davom etmoqda. Umumiy maydoni 10,2 gektar bo‘lgan hududda Imom Moturidiy majmuasi qayta qurilib, 250 o‘rinli masjid, kirish peshtoqi, ilmiy markaz, kutubxona, muzey va avtoturargoh bunyod etilmoqda.
Shuningdek, qurilish ishlari jarayonida Chokardiza qabristonida buyuk faqih Burhoniddin Marg‘inoniy dafn etilgan joy ham aniqlanib, bu yerda maqbara qurilmoqda.
Allomalar yodga olinib, Qur’on tilovat qilindi.
Davlatimiz rahbari bunyodkorlik ishlarini ko‘zdan kechirib, ushbu maskan dunyo musulmonlari talpinadigan ziyorat manzillaridan biri ekanini qayd etib, bu yerda ular uchun zamon talablariga mos sharoit yaratish zarurligini ta’kidladi.
– Majmuaga kelgan kishi avvalo Imom Moturidiy bobomizning ilmiy-ma’naviy merosi, islom olamida tutgan mavqei haqida yorqin tasavvurga ega bo‘lishi, allomaning ma’rifatparvar qarashlari bugun ham dolzarbligini his qilishi kerak, – dedi Prezident.
Qurilishni sifatli va o‘z vaqtida bajarish, hududda yashil maydonlarni ko‘paytirish yuzasidan topshiriqlar berildi.
https://president.uz/ru/lists/view/9028