Imom G‘azzoliy shunday dedi:
«Bola ota-onasining qo‘lida omonatdir. Uning qalbi har qanday naqsh va bezakdan xoli, nafis va beg‘ubor gavharga o‘xshaydi. U har qanday naqshni qabul qila oladi va barcha ko‘ngil intiladigan narsaga moyil bo‘ladi. Agarda u yaxshilikka odatlantirilsa va o‘rgatilsa shunga qarab voyaga yetadi. Ota-onasini ham o‘z savobiga sherik qiladi. Bordiyu yomonlikka odatlantirilsa va qarovsiz tashlab qo‘yilsa badbaxtga aylanadi va halok bo‘ladi. Uning gunohi esa unga mas’ul bo‘lganlar va valiylari bo‘yniga tushadi».
Muhammad Ali Muhammad Yusuf
tarjimasi
O‘zbekiston musulmonlari idorasi Buxoro viloyati vakilligi tashabbusi bilan Buxoro shahridagi «Abu Bakr as-Siddiq» jome masjidida gapirish va eshitishda nuqsoni bo‘lgan fuqarolar uchun navbatdagi ma’naviy-ma’rifiy uchrashuv o‘tkazildi.
Tadbirda imom-xatib Orif domla To‘qsonov «Oxiratning birinchi manzili» mavzusida ta’sirli ma’ruza qilib, inson e’tiqodi va ma’naviyatiga oid muhim tushunchalarni ishtirokchilarga yetkazdi.
Malakali surdo tarjimon ko‘magida o‘tgan ushbu suhbat davomida qatnashchilar aqida, fiqh va ijtimoiy hayotga oid o‘zlarini qiziqtirgan barcha savollarga atroflicha javob oldilar.
Jismoniy imkoniyatidan qat’i nazar, ilmga chanqoq qalblarni birlashtirgan mazkur xayrli uchrashuv yakunida yurtimiz tinchligi va xalqimiz farovonligi so‘rab duolar qilindi.
Alloh taolo ushbu ma’rifiy tashabbuslarni bardavom va manfaatli qilsin.
Naqshband.uz