Tashrif doirasida Mir Arab oliy madrasasi, Mir Arab o‘rta maxsus islom ta’lim muassasasi hamda Jo‘ybori Kalon ayol-qizlar islom ta’lim muassasasi pedagog-o‘qituvchilari ishtirokida yig‘ilish o‘tkazildi.
Yig‘ilishda Din ishlari bo‘yicha qo‘mita raisi birinchi o‘rinbosari Davronbek Maxsudov hamda O‘zbekiston musulmonlari idorasi raisi birinchi o‘rinbosari Homidjon domla Ishmatbekov O‘zbekiston Respublikasi Prezidenti Shavkat Mirziyoyevning 2025 yil 26 dekabr kuni Oliy Majlis va O‘zbekiston xalqiga yo‘llagan Murojaatnomasida belgilangan ustuvor vazifalarning mazmuni va ahamiyatiga atroflicha to‘xtalib o‘tdilar.
Shuningdek, diniy ta’lim tizimini yanada takomillashtirish, ta’lim sifati va ma’naviy-ma’rifiy ishlar samaradorligini oshirish, mavjud muammolar hamda ularning yechimlari yuzasidan fikr almashildi.
Yig‘ilish davomida ta’lim muassasalarida olib borilayotgan ilmiy-tadqiqot ishlari, ilmiy faoliyat samaradorligini oshirish, ilmiy izlanishlarni amaliyot bilan uyg‘unlashtirish masalalari bo‘yicha qator taklif va tavsiyalar bildirildi.
Yig‘ilish yakunida ta’lim muassasalari faoliyatini yanada rivojlantirish, kadrlar tayyorlash sifatini oshirish hamda ilmiy salohiyatni mustahkamlash bo‘yicha kelgusida amalga oshiriladigan ustuvor vazifalar belgilab olindi.
Mirarab.uz
Istiqlolimizning 35 yillik bayrami arafasida Farg‘ona viloyati bosh imom-xatibi Ubaydulloh domla Abdullayev ishtirokida Quvasoy shahrida xayriya tadbir o‘tkazildi. Unda 33 ta xonadonga oziq-ovqat mahsulotlari, 43 nafar bolajonga esa o‘quv qurollari va kiyim-kechaklar hadya qilindi.
Tadbirda farzandlar uchun munosib sharoit yaratish ezgulikning eng go‘zal ko‘rinishlaridan biri ekani, bugun yosh avlodning bilimi va kamoli uchun qilingan har bir xayrli amal ertangi kun taraqqiyotiga muhim hissa bo‘lib qo‘shilishi ta’kidlandi.
Bunday tadbirlar, shuningdek, Buvayda tumanidagi «Katta mahalla» masjidi jamoasi tomonidan ham tashkil etildi. Unda ijtimoiy ko‘makka muhtoj hamda boquvchisini yo‘qotgan oilalar farzandlaridan 70 nafariga maktabda ta’lim olishi uchun zarur bo‘lgan o‘quv qurollari tarqatildi. Bolajonlar mustaqillik bayrami hamda boshlanajak yangi o‘quv yili bilan muborakbod etildi.
Ilm va yoshlarni qo‘llab-quvvatlashga qaratilgan bunday ezgu tashabbuslar Farg‘ona shahridagi "Xo‘jamberdiboy", So‘x tumanidagi "Sulton Mahmud" masjidi jamoasi tomonidan ham tashkil etilmoqda.
O‘MI Farg‘ona viloyati vakilligi Matbuot xizmati