O`zbekiston musulmonlari idorasi

عَنْ أَبِيْ أُمَامَةَ الْبَاهِلِيِّ قَالَ قَالَ رَسُوْلُ اللَّهِ صَلَّى اللَّهُ عَلَيْهِ وَسَلَّمَ: مَنْ أَحَبَّ لِلَّهِ وَ أَبْغَضَ لِلَّهِ وَ أَعْطَى لِلَّهِ وَ مَنَعَ لِلَّهِ فَقَدْ اسْتَكْمَلَلَ الْاِيْمَانَ.

Rasululloh sollallohu alayhi vasallam: “Kim Alloh yo‘lida yaxshi ko‘rsa va Alloh yo‘lida nafrat qilsa va Alloh uchun (sadaqa) bersa, va Alloh uchun man qilsa, darhaqiqat, iymonini komil qilibdi”, dedilar (Imom Abu Dovud va Imom Tabaroniy rivoyati).

Bu hadisdan olinadigan xulosalardan biri shuki, toki qalbda Alloh taoloning muhabbati bo‘lmas ekan, imonning haqiqiy lazzatini his qilib bo‘lmaydi.

Shayx Zulfiqor Ahmad Naqshbandiy rahimahullohning
"Ilohiy ishq" kitobidan Nodir Odinayev tarjimasi

Yangiliklar

“Haj – 2026” mavsumi ellikboshilari uchun o‘quv mashg‘ulotlari boshlandi

25.03.2026 3922 1 min.

Shu yil 24 mart kuni Andijon, Farg‘ona va Namangan viloyatlaridan saralab olingan guruh rahbarlari uchun maxsus o‘quv seminari bo‘lib o‘tdi. Ushbu tadbir “Haj – 2026” mavsumini yuqori saviyada, namunali va tartibli tashkil etish, ziyoratchilarimizga munosib sharoitlar yaratish maqsadida tashkil etildi.

O‘quv mashg‘ulotlarini Namangan viloyati bosh imom-xatibi Abdulloh domla Samadov, Din ishlari bo‘yicha qo‘mita bo‘lim boshlig‘i Bobomurod Rustamov va O‘zbekiston musulmonlari idorasi Haj va umra tadbirlarini tashkil etish markazi direktori Maqsud Karimov olib borishdi.

Yig‘ilish davomida notiqlar guruh rahbarlariga yaqinlashib kelayotgan haj mavsumining tashkiliy ishlari, unga doir eng muhim vazifalar va mas’uliyatli jihatlari alohida tushuntirib o‘tildi. Xususan, ziyoratchilarga Islomning beshinchi rukni bo‘lgan haj ibodatiga puxta tayyorgarlik ko‘rish, haj amallarini ado etishning tartib-qoidalari va muborak qadamjolarni ziyorat qilish odoblari xususida so‘z yuritildi.

Shuningdek, soha mutasaddilari guruh rahbarlariga haj safariga doir amaldagi qonunchilik va boshqa me’yoriy hujjatlarni ham puxta bilish, ziyoratchilar bilan ishlashda doimo xushmuomala bo‘lish, o‘zaro yordam muhitini shakllantirish muhimligiga urg‘u qaratishdi.

Seminar yakunida ishtirokchilarni qiziqtirgan savollarga atroflicha javob berildi. Shuningdek, kelgusida Fatvo markazi ulamolari bilan haj ibodatiga oid shar’iy masalalar bo‘yicha dars mashg‘ulotlari olib borish reja qilindi.

O‘zbekiston musulmonlari idorasi
Matbuot xizmati