Qimmatbaho savdo
Bu o‘rinda bir savol paydo bo‘ladi. Insonda shuncha katta-katta nuqsonlar bor ekan. Agar bu nuqsonlar biror mashinada bo‘lsa, uni birov sotib oladimi? Hech kim sotib olmaydi. Bunga shoir ajoyib she’r bitgan:
Tu bo ilmi azal maro diydi,
Diydi ongah, bo ayb bixaridi.
Tu bo ilmi onu man bo ayb hamon,
Rad makun, onchi xud pisandiydi.
Tarjima
Azal ilming ila meni bilding,
Ayb ila ko‘rib ham meni olding.
Senda o‘sha ilm, menda nuqson hanuz,
Qaytarmagin, nimani yaxshi ko‘rding.
Bu yerda ixtiyor qilishdan murod Alloh taolo bandalarining shuncha ayb- nuqsonlariga qaramasdan O‘zining fazlu karami bilan savdo qilib, ahdnoma yozadi va uni barchaga e’lon qiladi:
﴿إِنَّ اللهَ اشْتَرَى مِنَ الْمُؤْمِنِيْنَ أَنْفُسَهُمْ وَ أَمْوَلَهُمْ بِأَنَّ لَهُمُ الْجَنَّةَ﴾
«Albatta, Alloh mo‘minlardan ularning jonlari va mollarini jannat evaziga sotib oldi» (Tavba surasi, 111-oyat).
“Jannat” deganda faqatgina go‘zal bog‘larni tushunmaylik. Balki jannatda Alloh taoloning diydori nasib bo‘ladi. Xuddi Alloh taolo bizning jon va mollarimizni O‘zining diydori evaziga sotib oladi. Chunki bu dunyoda Uni ko‘rib bo‘lmaydi. Subhanalloh! Qanchalik qimmat savdo qildi.
Shayx Zulfiqor Ahmad Naqshbandiyning "Ilohiy ishq" kitobidan
Nodir Odinayev tarjimasi
Tez orada vaziyatga moslashasiz
Bismillahir Rohmanir Rohiym
Bir tanishimning jarohat sababli oyoqlari kesildi, unga hamdardlik bildirish uchun yoniga bordim. U aqlli va olim kishi edi, uni ziyorat qilishga borgan paytimda: “Ummat sendan tez yuguradigan sportchi yoki doim g‘olib bo‘ladigan kurashchi bo‘lishingni kutayotgani yo‘q, ular sendan nurli va to‘g‘ri fikrlaringni kutishadi. Bu narsa esa senda bor, alhamdulillah”, deb hamdardlik bildiraman deya niyat qildim. Yoniga yetib borganimda u menga: “Alhamdulillah, bu oyog‘im uzoq yillar menga go‘zal hamroh bo‘ldi. Qalb rozi bo‘ladigan narsa aslida dinning salomatligidadir”, dedi.
Hakimlardan biri aytadi: “Qalb xotirjamligi boshga tushgan eng yomon narsalarga ham rozi bo‘la olish bilan hosil bo‘ladi. Bunday holatlarga rozi bo‘lish insonning kishanlangan shijoatini ozod etadi. Shunga qaramay juda ko‘pchilik insonlar hayotlarini g‘azab olovida barbod etishadi. Chunki ular achchiq haqiqatga taslim va xalos bo‘lish mumkin bo‘lgan narsadan qutulishdan bosh tortadilar. Orzularini yangidan bunyod etish o‘rniga moziy bilan oxiri yo‘q jangga kirishadilar va iztiroblarni befoyda malomat qiladilar. Aslida esa o‘tib ketgan narsaga afsus-nadomat chekish muvaffaqiyatsizlikka olib boradi. Shuning uchun bunday narsalardan saqlanishga urinish lozim”.
Shu’la: Yiqilganingizni tan olish eng katta dushmaniningizdir. U sizning xotirjamligingizni yo‘qotadi.
Doktor Oiz al-Qarniyning
"Dunyodagi eng baxtli ayol" kitobidan