Muslimaligingiz - sharafingizdir
Shodlik kelmog‘idan umidingmi uzding,
Ulug‘ zot taqdiriga qani iymoning?
Allohning yo‘lida sizga yetgan barcha narsa Uning izni ila gunohlaringizga kafforot bo‘ladi. Rasululloh sollallohu alayhi vasallam bunday deganlar:
قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي من أي أبواب الجنة شئت
«Agar ayol besh vaqt namozini o‘qisa, farz ro‘zasini tutsa, nomusini saqlasa va eriga itoat qilsa unga “jannat eshiklaridan xohlaganingdan kiraver deyiladi”» (Imom ibn Hibbon rivoyati).
Bu ulug‘ amallarni bajarsangiz mehribon va rahmli Zotga yo‘liqasiz hamda U sizga dunyo va oxiratda yordam beradi.
Shariat belgilagan o‘rinda to‘xtang. Allohning kitobi va Rasululloh sollallohu alayhi vasallamning sunnatlari yo‘lidan yuring. Siz muslimasiz. Bu esa ulug‘ sharaf, ulkan faxrdir. Sizdan boshqalar esa nasroniy, yahudiy, dinsizlik yoki umuman Islomga muxolif bo‘lgan millat va elatlarda tug‘ilgan. Ammo sizni Alloh muslima qilishni ixtiyor etdi. Sizni Muhammad sollallohu alayhi vasallamning izidan boruvchilardan qildi hamda Oisha, Xadija va Fotima roziyallohu anhumga ergashganlardan qildi. Sizni besh mahal namoz o‘qishingiz, Ramazon ro‘zasini tutishingiz va har tomonlama iffatingizni saqlashingiz yoqimli emas-mi? Allohni Robb, Islomni din va Muhammad alayhissalomni payg‘ambar deb bilishingiz eng qadrli ne’mat, baxtingiz emas-mi?!
Shu’la: Sizning diningiz oltiningiz, axloqingiz bezagingiz va odobingiz esa mol-mulkingizdir.
Doktor Oiz al-Qarniyning
"Ro‘zadorlar uchun darslar" kitobidan
O‘zbekiston turistik kompaniyalari Ar-Riyozdagi xalqaro ko‘rgazmada ishtirok etdi
Saudiya Arabistoni poytaxtida “WTM Spotlight Riyadh 2026” xalqaro turistik ko‘rgazmasi bo‘lib o‘tdi. Unda O‘zbekiston turizm industriyasi vakillari ishtirok etdi, deb xabar bermoqda “Dunyo” AA.
Mamlakatimiz turistik salohiyatini «Asialuxe Travel», «Zamin DMC» va «Bazar Travel» kompaniyalari namoyish etdi. Ular ko‘rgazmaning ishbilarmonlik dasturida faol ishtirok etib, Saudiya Arabistoni hamda boshqa xorijiy davlatlar turizm sohasi vakillari bilan bir qator samarali uchrashuvlar o‘tkazdilar.
“WTM Spotlight Riyadh” Saudiya Arabistoni turizm bozorining xalqaro hamkorlar bilan o‘zaro aloqalari uchun asosiy professional maydonlardan biriga aylandi. Ko‘rgazma turoperatorlik biznesi, qabul qiluvchi kompaniyalar, mehmonxona sektori, aviatsiya tarmog‘i, turistik texnologiyalar va industriyaning boshqa yo‘nalishlari vakillarini birlashtirdi. Tadbirda mintaqaviy va xalqaro tashrif buyuruvchilar, 450 dan ortiq eksponentlar hamda 30 dan ortiq mamlakat vakillari qatnashdi.
Uch kun davomida o‘zbekistonlik kompaniyalar vakillari saudiyalik turoperatorlar, turistik agentliklar va bozorning boshqa ishtirokchilari bilan muzokaralar o‘tkazdilar. Muloqotlarda sheriklik dasturlarini rivojlantirish, Saudiya Arabistonidan O‘zbekistonga sayyohlar oqimini oshirish hamda yangi qo‘shma turistik mahsulotlarni shakllantirish imkoniyatlari muhokama qilindi.
O‘zbekistonni madaniy-ma’rifiy, oilaviy, premium va individual turizm uchun jozibador yo‘nalish sifatida targ‘ib qilishga alohida e’tibor qaratildi. Saudiyalik hamkorlarga Samarqand, Buxoro, Xiva, Toshkent va mamlakatimizning boshqa hududlarining turistik imkoniyatlari, Buyuk ipak yo‘lining tarixiy merosi, zamonaviy mehmonxona infratuzilmasi, milliy taomlar hamda individual va guruhli turistik dasturlarni tashkil etish imkoniyatlari namoyish etildi.
O‘zbekiston turizm tarmog‘i vakillari, shuningdek, saudiyalik hamkorlar bilan sayyohlarni kutib olishni tashkil etish, Ko‘rfaz mamlakatlaridan keluvchi sayohatchilarning afzalliklarini hisobga olgan holda ixtisoslashtirilgan yo‘nalishlarni ishlab chiqish hamda Saudiya Arabistoni bozorida O‘zbekistonning turistik salohiyatini yanada targ‘ib qilish masalalarini muhokama qildilar.
O‘zbek turistik kompaniyalarining “WTM Spotlight Riyadh 2026” ko‘rgazmasidagi ishtiroki podshohlik turistik biznesi vakillari bilan bevosita aloqalarni kengaytirish va hamkorlikning yangi yo‘nalishlarini izlash uchun qo‘shimcha imkoniyat bo‘ldi.
O‘zbekiston musulmonlari idorasi Matbuot xizmati
