O‘zbekiston musulmonlari idorasi jamoasi Ulamolar kengashi a’zolari, imom-domlalar hamda tizimdagi o‘qituvchi-mudarrislar nomidan Toshkent shahridagi "Abdulloh ibn Mas’ud" jome masjidi imom noibi Odil domla Do‘smatovga volidai muhtaramasining vafoti munosabati bilan ta’ziya bildiradi.
Alloh taolo marhuma onaxonni O‘z mag‘firatiga olsin, solih amallarini o‘zlariga hamroh aylasin. Oxiratlarini obod etib, joylarini Firdavs jannatlaridan qilsin!
Farzandu arjumandlari va yaqinlariga chiroyli sabr berib, bu musibatlari o‘rnini yaxshiliklar ila to‘ldirsin.
Innaa lillaahi va innaa ilayhi roji’uun.
«Musibat yetganda “Albatta, biz Allohnikimiz va albatta, biz Unga qaytuvchimiz”, degan sabrlilarga xushxabar bering».
O‘zbekiston musulmonlari idorasi
Shu yilning 16–18 aprel kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi delegatsiya ikki tomonlama aloqalarni rivojlantirish va vatandoshlar bilan uchrashuvlar o‘tkazish maqsadida Rossiya Federatsiyasida xizmat safarida bo‘ladi.
Safar doirasida:
diniy idoralar o‘rtasida hamkorlikni mustahkamlash;
imzolangan kelishuvlarni amalga oshirish;
o‘zaro tajriba almashish;
ta’lim dargohlarida bo‘lish;
jome masjidlar faoliyati bilan yaqindan tanishish kabilar reja qilingan.
Shuningdek, Moskva shahrida o‘qish yoki ish bilan yurgan hamyurtlarimiz bilan muloqotlar qilish, ularning fikr-mulohazalarini tinglash va e’tiqod sog‘lomligiga qaratilgan suhbatlar o‘tkazish ko‘zda tutilgan.
O‘zbekiston musulmonlari idorasi
Matbuot xizmati