Joriy yilning 28-aprel kuni “Imom Termiziy” o‘rta maxsus islom ta’lim muassasasida “Yilning eng yaxshi Arab tili va balog‘ati fani o‘qituvchisi” tanlovining respublika bosqichi bo‘lib o‘tadi. Ayni paytda ushbu nufuzli tanlovni yuqori saviyada tashkil etish uchun keng qamrovli tayyorgarlik ishlari olib borilib, ishtirokchilar uchun barcha shart-sharoitlar yaratilmoqda.

Shuningdek, 29-aprel kuni Imom Termiziy nomidagi islom institutida o‘rta maxsus islom ta’lim muassasalari bitiruvchi bosqich talabalari o‘rtasida “Yagona olimpiada” tanlovining respublika bosqichi o‘tkaziladi. Musobaqani adolatli va shaffof tarzda o‘tkazish maqsadida tashkiliy ishlar izchil yo‘lga qo‘yilgan.

Bizni kuzatishda davom eting!

O‘zbekiston musulmonlari idorasi
Matbuot xizmati