#Sayyor_yig‘ilish

Odamlarning og‘irini yengil qilish, ularning dardu tashvishlarini eshitish dinimizning talabi hamda odamiylikning oliy mezonidir.

Bugun, 4 may kuni poytaxtimizning Yashnobod tumani «Islom ota» jome masjidida sayyor yig‘ilish o‘tkazildi. Tadbirda O‘zbekiston musulmonlari idorasi mas’ul xodimlari, Toshkent shahar bosh imom-xatibi o‘rinbosarlari Abdulloh domla Yo‘ldoshev, Ergashali domla Rustamov, «Haj 2025» ziyoratchilari, mahalla faollari, nuroniy otaxonu onaxonlar ishtirok etdi.

Sayyor yig‘ilishda tumandagi 100 dan ziyod oilaga kirildi. Kam ta’minlangan, boquvchisini yo‘qotgan oilalardan, bemorlardan hol so‘raldi.
Shu bilan birga, adashib turli oqimlar ta’siriga tushib qolgan, ichkilikka ruju qo‘ygan shaxslar bilan ham yakkama-yakka muloqotlar qilindi. Ularga zarur ko‘rsatma va yo‘l-yo‘riqlar berildi.

Aholi bilan muloqotdan o‘zgalar ko‘magiga muhtoj kishilarning ko‘ngli tog‘dek ko‘tarildi.

Xayrli ishlarning boshida turgan aziz insonlarning haqlariga xayrli duolar qilindi. 

Toshkent shahar vakilligi

Matbuot xizmati