Sayt test holatida ishlamoqda!
12 Avgust, 2026   |   29 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:59
Quyosh
05:29
Peshin
12:28
Asr
17:23
Shom
19:31
Xufton
20:58
Bismillah
12 Avgust, 2026, 29 Safar, 1448
Avvalgi sayt
#search
 YouTube

Nega ona suti 3 xil rangda bo‘ladi?

06.04.2026   18106   1 min.
Nega ona suti 3 xil rangda bo‘ladi?

Bismillahir Rohmanir Rohiym

Ona suti odatda uch xil: oq, qaymoqsimon va sariq rangda bo‘ladi.

Nima sababdan ona suti turli xil rang bo‘ladi va ular bir-biridan qanday farq qiladi?

Odatda, ona suti oq rangda va chaqaloqning o‘sishi hamda rivojlanishi uchun yetarli miqdorda suv, oqsil va yog‘dan tashkil topgan bo‘ladi. Agar chaqaloq yengil kasal bo‘lsa, ona suti tarkibida immunitetni kuchaytiruvchi antitela va vitaminlar ko‘payadi. Farzand og‘ir kasal bo‘lganda esa, sutdagi leykotsit (oq qon tanachalari)lar keskin ko‘payib, virus va bakteriyalarga qarshi faol kurashadi.

Chaqaloq 4-5 soat davomida ovqatlanmaganida, ona suti tarkibidagi suv va laktoza miqdori oshadi va yog‘ miqdori kamayadi. Ya’ni, onaning tanasi chaqaloq suvsizlanayotganini sezadi va sut tarkibi o‘zgaradi. Subhanalloh...


Bularning barchasi o‘z-o‘zidan sodir bo‘ladimi? Albatta, yo‘q, bu – Allohning qudrati, irodasi va hikmati ila bo‘ladi.

Bu borada shvetsiyalik immunolog Lars Henson (Lars Hanson) va biolog Piter Hartman (Peter Hartmann) yillar davomida tadqiqotlar olib borishgan hamda sodir bo‘lgan jarayonlardan hayratga tushishgan.

Alloh taolo bunday marhamat qiladi: “Alloh sizni onalaringiz qornidan hech narsa bilmaydigan holingizda chiqardi. U sizga quloq, ko‘zlar va dillarni berdi. Shoyadki, shukr qilsangiz” (Nahl surasi, 78-oyat).

Boshqa oyatda Alloh taolo bunday marhamat qiladi: “Agar Allohning ne’matlarini sanasangiz, sanog‘iga yeta olmassizlar” (Ibrohim surasi, 34-oyat).

Davron NURMUHAMMAD

Boshqa maqolalar
Maqolalar

Siz eng boy odamsiz!

10.08.2026   7922   1 min.
Siz eng boy odamsiz!

Insonning fe’li qiziq: biz ko‘pincha o‘zimizda yo‘q narsalar haqida qayg‘urib, qo‘limizdagi bebaho ne’matlarni odatdagi holdek qabul qilamiz. Vaholanki, biz oddiy deb bilgan qulayliklar, sog‘liq va boshqa imkoniyatlar sayyoramizning millionlab aholisi uchun eng katta orzu hisoblanadi.


Jumladan, bugungi tongni dunyo bo‘yicha 174 mingga yaqin inson qarshi ololmadi. Ayni damda 50 milliondan ortiq odam saraton kasalligi bilan kurashmoqda. 300 million inson ranglar jilosini ko‘rish baxtidan mahrum. 400 millionga yaqin kishi esa eshitish moslamalarisiz dunyo tovushlarini eshita olmaydi. 770 milliondan ortiq katta yoshdagi inson hanuzgacha o‘qish va yozishni bilmaydi. 2,5 milliarddan ziyod aholi global axborot va internet imkoniyatlaridan uzilgan holda yashamoqda. 6,5 milliard inson esa samolyotda umuman uchib ko‘rmagan...


Bu raqamlar shunchaki quruq ko‘rsatkichlar emas. Ular ortida millionlab insonlarning ana shunday ayanchli taqdiri yotibdi.
Agar siz hozir ushbu matnni o‘qiy olayotgan, atrofdagi ranglar va tovushlarni his qilayotgan, eng muhimi, yangi kunni sog‘-omon yashayotgan bo‘lsangiz, demak, siz sayyoradagi eng baxtli insonlardan birisiz. Shunday ekan, turmush tashvishlaridan nolishni to‘xtating. Yon-atrofga boqing: siz yashayotgan bugungi kunga kimlardir yetmadi. Demak, har bir xotirjam olingan nafas, har tinch otgan tong uchun Yaratganga hamdlar aytib, shukronalik kayfiyati bilan yashang. Chunki siz eng boy odamsiz!
 

Akbarshoh RASULOV

 

Ibratli hikoyalar
#logo