Baxtli va baxtsiz odam
"Taqdirda baxtli deb yozib qo‘yilgan odam haqiqiy baxtlidir. Shuningdek, taqdirda baxtsiz yoki badbaxt deb yozib qo‘yilgan inson haqiqiy baxtsizdir. Taqdir esa insonlardan sir tutiladi, u faqat Allohgagina ma’lumdir. Uni hatto, Allohga yaqin bo‘lgan farishtalar ham, payg‘ambarlar ham bilmaydilar. Taqdir to‘g‘risida chuqur xayol yurgizish yoki bahslashish behuda ishdir, balki tug‘yondir. Bundan juda hazar qilish zarur. Uni Alloh taolo o‘ziga xos ilm qilib, bandalarini taqdir to‘g‘risida fikr yuritishdan man etadi. Bir oyati karimada: «Alloh O‘zining qiladigan ishlaridan hech kimga hisobot bermaydi, balki odamlar Unga hisobot berurlar», deyiladi. Kimiki: "Nega Alloh bunday qiladi yoki nega unday qilmadi?" desa, Taqdir hukmini rad etgan bo‘lib, iymondan ajrab qoladi".
"Aqida matnlari" kitobidan
Islomga amal qilib yashash – o‘rta asrlarga qaytib kun kechirish degani emas
Bismillahir Rohmanir Rohiym
Din bizdan bugungi o‘zligimizdan voz kechishni ham talab qilmaydi.
Islom dini ilm-fan, kashfiyotlar va dunyoviy taraqqiyotga hech qachon qarshi bo‘lmagan, aksincha, musulmonlarni doimo izlanishga undagan. Dinga amal qilish zamon va makondan uzilib qolishni anglatmaydi.
Islom o‘z e’tiqod qiluvchilaridan o‘z madaniyatini unutishni va ma’lum bir boshqaruv shaklini majburiyat qilib olishni talab qilmaydi.
Shariat mahalliy xalqlarning Islom aqidasiga zid bo‘lmagan urf-odatlari va madaniyatini inkor qilmaydi, balki ularni hurmat qiladi.
Shavqiy Allom – Misr sobiq muftiysi
Dunyo ulamolari murojaati kitobidan