Buxoroda imkoniyati cheklanganlar uchun ma’rifiy suhbat o‘tkazildi
Buxoro shahridagi «Abu Bakr as-Siddiq» jome masjidida navbatdagi ma’naviy-ma’rifiy suhbat tashkil etildi. Tadbir O‘zbekiston musulmonlari idorasi Buxoro viloyati vakilligi tashabbusi bilan amalga oshirildi.
Uchrashuvda imom-xatib Orif domla To‘qsonov ishtirok etib, gapirish va eshitishda nuqsoni bo‘lgan fuqarolar bilan yaqindan muloqot qildi. Navbatdagi suhbat «Yo‘llardan to‘g‘ri foydalanish — odob va mas’uliyatdir» mavzusiga bag‘ishlandi. Imom-xatib o‘z ma’ruzasida islom dinida yo‘l haqqi, jamoat joylarida o‘zini tutish odoblari va atrofdagilarga ozor bermaslikning ahamiyati haqida atroflicha to‘xtalib o‘tdi.
Tadbir davomida ishtirokchilar aqida, fiqh va ijtimoiy hayotga oid o‘zlarini qiziqtirgan savollarga batafsil javob oldilar. Muloqot jarayoni ma’lumotlarning to‘laqonli va tushunarli yetib borishini ta’minlash maqsadida malakali surdo tarjimon hamrohligida olib borildi.
Tadbir yakunida ishtirokchilarga tashkilotchilar tomonidan ehsonlar ulashildi. Bu kabi tadbirlar jamiyatda ijtimoiy ko‘makka muhtoj qatlamning diniy va ma’rifiy bilimlarini oshirish, ularni ma’naviy qo‘llab-quvvatlashga xizmat qiladi.
O‘zbekiston musulmonlari idorasi
Buxoro viloyati vakilligi
Matbuot xizmati
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
- «
- »