Sayt test holatida ishlamoqda!
14 Avgust, 2026   |   1 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:02
Quyosh
05:31
Peshin
12:28
Asr
17:21
Shom
19:28
Xufton
20:54
Bismillah
14 Avgust, 2026, 1 Rabi`ul avval, 1448
Avvalgi sayt
#search
 YouTube

Buxoroda ma’rifiy suhbat surdo tarjimada tushuntirildi

02.06.2026   18695   1 min.
Buxoroda ma’rifiy suhbat surdo tarjimada tushuntirildi

Buxoro shahridagi «Abu Bakr as-Siddiq» jome masjidida gapirish va eshitishida nuqsoni bo‘lgan fuqarolar uchun "Farzand tarbiyasi va himoyasi — katta mas’uliyat" mavzusida ma’rifiy suhbat bo‘lib o‘tdi.


O‘zbekiston musulmonlari idorasi Buxoro viloyati vakilligi tashabbusi bilan tashkil etilgan tadbirda masjid imom-noibi Dilshod domla Hodiyev ishtirokchilarga mavzuning diniy va ijtimoiy ahamiyatini tushuntirib berdi. Ma’lumotlar imkoniyati cheklangan yurtdoshlarimizga malakali surdo tarjimon Dilfuza A’lamova tomonidan imo-ishora tilida mahorat bilan yetkazildi.


Uchrashuv davomida ishtirokchilar o‘zlarini qiziqtirgan aqida, fiqh va kundalik ijtimoiy hayotga doir savollariga atroflicha javob oldilar.

Tadbir yakunida Buxoro viloyati vakilligi tomonidan qatnashchilarga bayram tuhfalari ulashildi.


Alloh taolo bunday xayrli va savobli ishlarni bardavom aylab, ehson sohiblaridan rozi bo‘lsin! 

Buxoro viloyati vakilligi
Matbuot xizmati

Buxoroda ma’rifiy suhbat surdo tarjimada tushuntirildi Buxoroda ma’rifiy suhbat surdo tarjimada tushuntirildi
Boshqa maqolalar
Yangiliklar

Bayram shukuhi Jizzaxda ham davom etmoqda

11.08.2026   21883   1 min.
Bayram shukuhi Jizzaxda ham davom etmoqda

O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.

Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.

Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.

Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.

Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.

Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.

 

O‘zbekiston musulmonlari idorasi

Matbuot xizmati

Bayram shukuhi Jizzaxda ham davom etmoqda Bayram shukuhi Jizzaxda ham davom etmoqda Bayram shukuhi Jizzaxda ham davom etmoqda Bayram shukuhi Jizzaxda ham davom etmoqda
O'zbekiston yangiliklari
#logo