Mamlakatimizda faoliyat olib borayotgan diniy soha xodimlarining ilmiy-ma’rifiy salohiyatini oshirish rejasiga muvofiq, Farg‘ona viloyatining Quva, Toshloq, Rishton va Furqat tumanlari imom-xatiblari Toshkent shahridagi O‘zbekistondagi Islom sivilizatsiyasi markaziga borishdi. 
 

Tashrif davomida imom-xatiblar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdilar. Ayniqsa, zamonaviy multimedia loyihalari va tarixiy eksponatlar diniy soha vakillarida chuqur taassurot qoldirdi.

Diniy soha xodimlari markazda amalga oshirilayotgan keng ko‘lamli ishlar yurtimizda ma’rifiy islom g‘oyalarini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini ta’kidladilar.

Belgilangan rejaga asosan, Farg‘ona viloyatining boshqa shahar va tumanlarida faoliyat yuritayotgan imom-xatiblarning ham markazga tashriflari bosqichma-bosqich davom ettiriladi. 

Farg‘ona viloyati vakilligi
Matbuot xizmati