Turkiyaning Xatay viloyatida O‘zbekiston tomoni ishtirokida qurilgan yangi masjid foydalanishga topshirildi.

Masjidga Turkiyaning murakkab davrlaridan birida o‘zbek xalqi ko‘rsatgan beg‘araz yordami va birdamligi uchun minnatdorlik ramzi sifatida “Buxoro” nomi berildi.

Ibodat maskani 3200 ga yaqin xonadonni o‘z ichiga olgan yirik turar-joy massivining markazida joylashgan bo‘lib, bir vaqtning o‘zida 500 kishini o‘z ichiga sig‘dira oladi. Bino zamonaviy arxitektura, qulay sharoitlar va estetik dizayni bilan ajralib turadi.

Ochilish marosimida ishtirokchilar mazkur loyiha ikki davlat o‘rtasidagi do‘stona munosabatlar va gumanitar hamkorlik yanada mustahkamlanishiga xizmat qilishi ta’kidlandi.

B.Xudoyberdiyev, O‘zA