Bugun, 9 noyabr kuni O‘zbekiston musulmonlari idorasida yurtimiz bo‘ylab yangi ishga tayinlangan hamda boshqa vazifaga o‘tkazilgan 40 ga yaqin imom-xatib va imom noibi bilan suhbat bo‘lib o‘tdi.


Muloqotda O‘zbekiston musulmonlari idorasi raisining birinchi o‘rinbosari Homidjon domla Ishmatbekov hamda Kadrlar bo‘limi boshlig‘i Salohiddin domla Sherxonov ishtirok etdi.


Uchrashuvda din peshvolarining jamiyatdagi o‘rni, ularning mas’uliyatli burch va vazifalari yuzasidan kerakli tavsiya va ko‘rsatmalar berildi. Xususan, suhbat davomida din xodimlarining intizomi va madaniyati masalasiga alohida e’tibor qaratildi.


Tadbir yakunida lavozimga tayinlangan imom-xatib va noiblarga ichki me’yoriy hujjatlar tushuntirildi. Shuningdek, ularning kelgusidagi sharafli va mas’uliyatli faoliyatlariga ulkan muvaffaqiyatlar so‘rab xayrli duolar qilindi.

O‘zbekiston musulmonlari idorasi

Matbuot xizmati