Shu yilning 8-10 yanvar' kunlari Misrning Al-azhar universiteti huzuridagi Aholishunoslik va tadqiqotlar bo'yicha xalqaro islom markazida bolalar huquqlari va farovonligini ta'minlashda davlat tashkilotlari, diniy idoralar hamda oliy ta'lim muassasalari tomonidan olib boriladigan hamkorlik tajribasini o'rganishga bag'ishlangan xalqaro seminar-trening bo'lib o'tdi.

Ta'kidlash kerakki, mazkur tadbirda Din ishlari bo'yicha qo'mita, O'zbekiston musulmonlari idorasi, Toshkent islom instituti hamda Buxorodagi “Mir-arab” oliy madrasasi vakillaridan iborat guruh ishtirok etmoqda.
Mamlakatimiz vakillari dastlab Aholishunoslik va tadqiqotlar bo'yicha xalqaro islom markazida bolalarga nisbatan zo'ravonlikka qarshi kurashda amalga oshirilayotgan ishlar, dasturiy ta'minotlar bilan tanishdilar.

O'quv seminarlarida esa yurtimizda bolalar huquqlarini himoya qilish, ularning har tomonlama etuk shaxs bo'lib voyaga etishlari uchun yaratib berilayotgan shart-sharoitlar, shuningdek, bu borada qator tashkilotlar bilan hamkorlik olib borilayotgani xususida batafsil ma'lumotlar berildi.

O'zbekiston musulmonlari idorasi
Matbuot xizmati