Noyabr oyi – “Qur’on qiroati va ilmlari” fan oyligi doirasida Toshkent islom institutining 404-guruh talabasi Abdullayev Shukrulloh 30 pora Qur’oni karimni bir kunda yoddan o‘qib berdi.

Qur’oni karim xatmi jarayonini “Qur’on ilmlari” kafedrasi o‘qituvchilari Islomxon qori Ubaydullayev, Ahmadxon qori Rashidov, Sodiqjon qori Qurbanov va boshqa ustoz hamda talabalar kuzatib bordilar.

Ushbu natijani taqdirlash uchun tadbir tashkil qilindi. Tadbirda Toshkent islom instituti rektori Uyg‘un domla G‘afurov, O‘quv ishlari bo‘yicha prorektor Jahongir qori Ro‘ziyev, Yoshlar masalalari va ma’naviy-ma’rifiy ishlar bo‘yicha prorektor Yo.Buxarbayev, kafedra o‘qituvchilari I.Ubaydullayev, F.Suvonov, A.Rashidov hamda institutning boshqa ustoz va talabalari ishtirok etishdi.

Ayni paytgacha Qur’oni karimni bir kunda o‘qib bergan qori talabalar soni 55 nafarga yetdi.

Shukrulloh qorining ilmi bundan-da ziyoda bo‘lib, ota-ona hamda ustozlariga izzat tojini kiydiradigan boamal olimlardan bo‘lishini Alloh nasib etsin!

“Qur’on ilmlari” kafedrasi